And its about me..

7:13pm (sok)

Sa paglundag-lundag ko sa mga blog ng mga sinusundan ko napansin ko na may entry talaga sila na nagpapakilala sa kanila. Dati ay iniisip ko na ok lang kung wala akong ganitong entry dahil wala namang sumusunod at tumatambay sa asylum ko. Pero dahil sa may mga naloloko na ako at tumatambay na sa munting pahina ko ay panahon na yata na magbigay naman ako ng mga bagay na maaring di alam ng mga tao sa akin at ito ang labinlimang bagay na kakaunti lang ang nakakaalam:

15) Tubong Visayas ng mga magulang ko...

Si Mama ay isang Negrense at Hiligaynon ang salitang gamit nila habang si Paping naman ay sa taga-Leyte at Cebuano ang gamit nilang salita. Malapit sa ilog sila Mama at si Papa naman at tabi mismo ng dagat. Kahit saan probinsya ako pumunta kunting kembot lang malapit na sa tubig.

14) Kusina ang isa sa paborito kong lugar ng bahay.

(nakakariwasa ako sa kitchen na ito nyahaha)

Di lang sa dahil mahilig ako kumain na halata sa malusog at mabilog kong katawan. Ito ay sa kadahilanang mahilig din akong magimbento ng putahe. Awa naman ni Lord nakakain naman yung mga nagagawa ko hehehe.

13) Green Tea Frappe ang default order ko sa starbucks.

Dahil sa nagpapapayat ako noon at ang green tea ay nakakatulong magpapayat napalitang ang default order kong Mocha Frappe ng Green tea Frappe.

12. Writer ako ng school paper noong elementary ako.

Gusto ko lang noon na ishare ang mga observation ko at opinion ko kaya sinubukan ko na sumali sa school paper namin. Infairview, naibigan naman ng adviser ko yung ginawa kong 2 article at isang sariling likhang tula.

11) Baliw..

Madalas ay sinasabihan ako na mataba ang utak ko sa kalokohan at pag na deliver ko an yung kalokohan ko ay sasabihan ako ng baliw ng mga kakilala ko. Pero gusto naman nila ang kabaliwan ko nyahaha.

10) Joker (may connection sa number 11)

Palabirong literal ako at dating pikon ngunit subalit datapwat na realize ko na dahil sa malakas ako mangasar ay dapat na di ako mabilis mapikon dahil sa karma ko lang din yun sa pangaasar ko nyahaha.

9) Ang peyborit kong superhero ay si...

Bakit? siya lang ang superhero na walang superpowers pero naman ang hasteg nya lang sa paglaban sa mga masasamang loob di ba?

8. Ang pinaka ayokong subject ay....

Mataba ang utak ko sa kalokohan hindi sa pagaanalisa ng mga problema sa sipnayan. nakakatuyo kaya ng otak yan hihihi.

7) Ako ay fan na fan din ng mga ganito....

Lokos mo ko chayld at hart hehehe. Ewan ko ba kung bakit sa edad naming magkakapatid eh mahilig pa rin kami manood ng mga ganitong palabas...

6) Mahilig din ako sa mga ganito, pramis!

Sapin sapin lang ata ang klase ng kakanin ang di ko nakahiligang kainin eh. Di ko alam pero bukod doon kumakain ako ng mga yan.. Yebah!

5) Gustong gusto ko ang flavor na strawberry banana na.... 

Kahit nga saang establishments basta may strawberry banana na dessert, shake o smoothies yun ang binibili ko.

4) Meron akong kapatid na isang....

Opo! Meron nga, mahabang kwento pero totoo pong meron. Nasa isang kumbento sya sa Cavite at kasapi ng kongregasyon ng Jesus good shepherd.

3) Ito ang pagkaing kahit na anong okasyon ay di ko uurungan dahil ito ang pagkaing weakness ko at kumukumpleto sa akin nyahaha... sana tao na lang sya

Ewan ko ba bakit parang kapag nakikita ko yan sa mesa ay parang gumagaan ang pakiramdam ko kahit alam kong malakas sya magpataba nyahaha.

2) Ito ang isa sa mga bagay na pinakagusto ko at minsan ko nang naisip na ipinanganak ako para dito..

Talagang mga hardcore music, hardcore rap, hardcore metalic, hardcore underground music, hardcore porn... (teka, di ata kasama yung huling nabanggit ko ah nyahaha.) ang di kayang tagalan ng mga tenga ko... Sabi ng mga kaibigan ko magstick na lang daw ako sa ballad, pero di rin nyahahaha.

1) At ito ang pinakamalalang bagay sa akin ang....

Hindi ang magtext while driving a, kundi ang mag text... medyo marami kasi ang mga kaibigan kong krung krung na kagaya ko kaya naman madalas eh nagbabasagan kami sa bbm at text. Sa totoo lang lahat ng linya ng mga telecom company sa Pinas ay meron ako nyahaha epik noh?

At iyan, iyan yata ang mga bagay na di nyo alam sa akin na ibinahagi ko na...

Bago matapos ang entry na ito ay pasasalamatan ko po ang bagong tambay sa asylum ng baliw na si Rix... Welcome po Joanne at sana ay nageenjoy ka po sa pagsunod sa baliw.

God bless everyone :)

- It's my opinion... so? -

Kwentakotan!

6:05pm (sok)


Kung ang lahat ay may halloween special papakabog ba ako? Oh, heto na ang kwento ko....

Third eye, marami ang nagsasabi na kapag bukas ang pangatlong mata mo ay mararamdaman mo ang bagay na di nararamdaman ng ordinaryong tao.

Ordinaryo lang ang araw na iyon para sa akin sa pagkakatandan ko, Walang masyadong bago. Dahil sa bagot ko ay nagpasya akong lumabas ng opisina at magpunta sa malapit na tindahan para bumili ang ano man ang maibigan ko.

May naunang bumili sa akin na bata, biscuit na Hiro ang binili nya. Dahil sa inggit ay iyon na rin ang binili ko saka di ko gusto ang isa pang biscuit na nakita ko sa estante dahil matamis ang panlasa ko sa Cream O. Habang kinakagat ang biscuit na binili ko ay napansin ko ang batang nauna sa aking bumili na nakikipag laro sa madungis na pusa dahilan para sa maging madungis din sya. Tinignan ko ang relo ko at nakita ko ang oras. Alas tres na ng hapon. Inilagay ko ang natirang Hiro sa likod ng pantalon ko at nagsimula ng tahakin ang opisina namin ng biglang.... BLAG!!!!

kahit na maingay ang jackhammer sa paligid dahil sa ginagawang gusali ay dinig ko parin ang malakas na kalabog ng galing sa likuran ko. Nilingon ko ito at nakitang nagkagulo ang mga tao. May nasagasaan ata, bata, ito ang pagkakarinig ko dahil sa medyo maingay ang paligid. Ilang minuto din akong napako sa kinatatayuan ko at nag oobserba lang. Dahil sa di ko talaga ugali makiusyoso lalo na sa mga nasagasaan dahil sa ayoko makakita ng mga lasog lasog na katawan ay nagpasya na akong bumalik sa opisina namin na may makita ako... Ang batang naunang bumili sa akin ng biscuit, nakatingin sa akin, duguan...

Kahit di ko nakikita ang sarili ko ay alam kong namutla ako. Nagmadali akong lumakad papunta ng opisina, di ko mapigilan ang sarili ko, dahil sa sinasabi ko na guniguni ko lang ito ay lumingon ako pabalik at nakita ko na sinusundan ako ng bata. Dahil sa takot ko ay tinakbo ko na ng gusali kung saan naroon ang opisina namin. Humahangos ako ng marating ko ang opisina namin. "Ok ka lang ba? anong nangyari sayo?" tanong ng kaopisina ko. "ah, wala. May nakita akong dati kong kakilala eh hinabol ko para kamustahin" ang tanging naging palusot ko.

Akala ko ay doon na matatapos ang panggugulo sa akin ang batang iyon pero hindi pala. Paglabas ko ng opisina ay nakita ko sya na parang naghihintay. Nakatingin pa rin ang duguang bata sa akin. Sa takot ko ang sumabay at humalo ang sa mga taong nag lalakad kasabay ko. Mukha namang nagtagumpay ako. Yun ang akala ko. Komportable na ako sa bus ng mapalingon ako sa likurang parte nito at nakitang nakatingin ang bata sa akin. Ipinikit ko ang mga mata ko at tumungo at umusal ng dasal hanggang sa makarating ako sa bababaan ko. Aligaga ako sa paglalakad habang tinatahak ang bahay namin. Pagpasok ko ng bahay ay pininid ko agad ang tarangkahan at ang pinto namin. Nakita ko pa rin ang bata na nakatingin sa direksyon ko. "Hoy ano nagyayari sa iyo?" Tanong ng Mama ko, nagulat man ako sa tanong nya at sinabi ko na wala naman iyon. Di ko maintindihan dahil di naman pumapasok ang duguan bata sa bahay kaya kahit paano ay kampante ako ngunit di sya umaalis sa tapat ng bahay dahil sa nandun sya tuwing sisilip ako sa labas. Takot man at kinikilabutan ay nagpasya na akong matulog tumabi ako sa kapatid ko, iniisip ko na kung ano man ang mangyari ay di ako masyado matatakot dahil sa nandyan ang kapatid ko. Kinaumagahan, mukang napagod na sya kakasunod sa akin. Wala na ang bata nung lumabas ako ng bahay.

Medyo inaantok pa ako kaya pupungas pungas pa sa bus at sa muling pagkakataon, palingon ko sa likurang parte ng bus ay nandun pa rin ang bata. Nilukuban na ako ng takot at kaba. "bakit di ako tinatantanan ng batang ito? wala naman akong ginawang masama" ito ang sigaw ng utak ko na umaalingawngaw... Bumaba ako sa sunod na babaan at nag pasyang mag-taxi na lang. Nakarating ako ng opisina ng walang sumusunod na bata sa akin. Di ako lumabas o bumaba ng opisina dahil sa takot ko na baka nandun ulit ang batang kinatatakutan ko.

Takot man ay buo na ang isip ko, kailangan kong kausapin at tanungin ang bata kung bakit ayaw nya ako lubayan kung makikita ko ulit sya nag matapos ang oras ng trabaho ko. Di ako nagkamali naghihintay pa rin ang bata sa tapat ng gusali kung nasaan ang opisina namin. "Ano bang kailangan mo sa akin? bat ayaw mo akong lubayan? Wala naman akong kasalanan at ipinagdasal kita ng maraming beses" sambit ko habang naginginig ang tuhod ko. "yung biscuit" sagot ng bata sa akin. Namumutla na ako, ito ang pakiramdam ko ng biglang tapikin ako ng sikyu na naka-duty. "hoy, anong nagyayari sayo?" tanong nya. "Yung bata po? nakikita nyo ba?" sagot ko. Tumawa ng nakakalokong tawa sikyu. Di ko maintindihan ang ngyayri "kahapon may nasagasang pusa, iyon ay alaga ng isang bata. Matapos masagasaan ng pusa ay tinabi nya iyon" sabi ng sikyu. Nagtataka ako kung ano ang koneksyon ng kwento kahapon. "Iyan ang batang iyon" sabay nguso ng sikyo sa bata. "Kuya, akin na lang po yung biscuit na di nyo naubos. Yung nilagay nyo sa likod ng pantalon nyo" sabi ng bata....







At iyan ang kwentong fibisco ko.











Kayo anong kwentong fibisco nyo?










PS. habang ginagawa ko ng entry kong ito ay kinakain ko ang Hiro na ginamit kong props hihihi.

Sa mga dadalaw po ng puntod ng kanilang yumaong mahal sa buhay, ingat po tayo. Sa mga busy at walang oras pumunta sa puntod ng mahal nila sa buhay just text DALAW to 2366 at sila mismo ang dadalaw sayo. hihihi

God bless us po :)

- It's my opinion... so? -

Trick or Treat!!!

5:48pm (sok)

Nagulantang ako dahil sa maya maya ay may pasulpot sulpot na mga bata sa opisina namin na karga karag ng kani-kanilang magulang. Ang cute nila suot ang iba't ibang klase ng custome. Naalala ko, malapit na pala ang undas at dahil di lang ang pag alala sa mga mahal natin sa buhay na nasa mabuti ng lugar ang ginugunita natin, ay ito rin ang panahon para mag enjoy ang baget sa kani-kanilang customer at mag.... TRICK OR TREAT!!!!!

Kapag pupunta sa mga kasiyahan na ganito at kailangan nyo mag costume, siguraduhin din na ang costume nyo ay maayos at may dating, yung tipong mapapa-wow yung makakakita ng suot nyo, di yung basta na lang na nag-costume tulad nito....

Syempre pag may kasayahan eh di maiiwasang may salo-salo, ingat nga lang sa pagkain ha, kasi baka sila ang makain nyo...

at isa pa ito.....

Make sure lang na nakapila kayo ng maayos para mabilis ang distribution ng pagkain at ng mga candies dahil kung hindi magagalit sya at baka mapugutan kayo ng ulo....

Di ko alam kung bakit ba lagi na lang ang costume or effects ng mga sumasali sa halloween party ay puro madudugo tulad nito.....

Crap! mali pala ako ng nalagay na picture.... ito pala ang ibig ko sabihin....

Pero ok na rin, iyan ang gusto nila eh. Walang basagan ng trip di ba Master Yoda?

Kung iyan ang trip mo suportahan tah ka.... kagaya ng mga costume nila na nakakapanghilakbot....

At nito pa,

eh ito?

naku ito ang walang effort sa costume at sya lang ang nag-iisang ganito....

Scary ba? tyars!

Disclaimer: ang mga litrato na ito ay kinuha sa web at ginamit bilang katuwaan lamang...


God bless us all and Happy Weekend :)

- It's my opinion... so? -

Good luck! good luck!

8:07pm (sok)

"Ay! sya ba yun? naku... "

Yan ang una kong comment ng malaman ko na si Toffee Dator ang magiging mentor ko at ng ka-wave ko sa account ko ngayon... aktwali medyo sarkastik ang pagkakasabi ko hihihi, masungit kasi ang dating sa akin.

(heto ang peg nya)

Halos dalawang linggo din syang nag assist at nag monitor sa mga trabaho namin at nag evaluate kung papasa kami ng gradbay. Dahil me tinatago namang galing si water eh pasok sa banga ang peg ko kaya inembrace ako ng hover hardest level... (teka hard daw??? ano yun??? charuts!).

Dahil sa nagsisimula pa lang kami at totoong nganga kami a floor, sobrang na-appreciate ko nung isinend nya sa email namin yung mga canned notes na ginagamit namin para sagutin ang mga inquiry ng mga requestor namin, ang effect eh, edit edit ng notes para mag mukang kami ang gumawa at magmukang sobrang teki sa trabaho namin kahit na sa totoo lang di madigest ng kakarampot kung utak ang mga kaganapan. Pero deadma lang kasi kinlaim ko naman na magiging magaling din ako nyahahaha lakas noh?

Magaling at mabilis magtrabaho ng cases si Toffee madalas nga nage-endorse ako ng case sa kanya yung mga mahirap at di ko na kaya gawin at be four eye nose eat... tapos na ang case na inindorse ko... hong goleng da buh???? Eventually di na rin ako nagpapakabog sa kanya kasi mabilis na rin ako magprocess ng mga cases :).

Mas naging kasundo ko si Toffee dahil sa naging participants kami sa recreation event ng account namin. Ang peg ng event..... GLEE! o di ba di ako nakatakas sa sayaw sayaw at kanta kanta na eksema? Kumanta kanta pa ako dun sintunado naman tapos may part na sayaw sayaw kami pero in all fairview kami ang umuwing wagi. Nasundan pa ito ng isa pang recreational event na sinabay sa Christmas Farty. Um-Adele naman kami sa pagkakataong ito. After ng "Crawling in the deep" (parang may mali sa tittle) ay uminterpritative dance keme kami ng "Someone like you" ang ending kami pa rin ang wagi....

Doon ko na laman na may pagkamaldito sya sa mga di nya ka-close ngunit, subalit datapwat kapag naging ka-close ka naman nya ay very supportive naman.

Last kwarter ng taon nang maging ka-teammate namin sya dahil ang queue na sinusopport nya ay hawak ng aming nagiisa at walang katulad na bisor ahaha (Toffee alam mo na ang ibig ko sabihin hihihi). Mas naging close kami kasama ng mga teammate namin dahil parang iisa lang ang iniisip namin at parang magka utotang dila lang (eww ng term noh?).

Henny waist! dumating ang sobrang laking break sa kanya, nakapasa sya sa pagiging school admin sa.... Malay mo, Malay ko, Malay nya, Malay nating lahat...... Malaysia. Ngayon ay nakaterminal leave sya at ini-enjoy ang bakasyon nya bago lumipad papuntang Johor, Malaysia (san ka kumuha ng pakpak? nakuha mo ba yan nung nanood ka ng tiktik? yung totoo? ahaha).

Toffee, ang maliit na espasyo ng blog ko na ito ay ang regalo ko sayo. Nagbigay ng regalo sa iyo yung iba nating teammate ako wala, at dahil sa paminsan-minsan ay sinisilip mo rin ang asylum ko, ay naglaan na rin lang ako ng isang pahina nito gaya ng pangako ko na bago ka umalis ay magpapasalamat ako sayo sa mga tulong na binigay mo sa akin bilang isang kaibigan at mentor sa account natin. Galingan mo doon at pagbalik mo ng Pinas, tagay tagay din ha nyahahaha...

Hinihintay ka na ng bago mong opisina....

(scroll down.....)

Tuloy ka na, hinihintay na nya na maupo ka.......

Ahahahaha kala mo seryoso noh? di ka pa nasanay sa akin... :)

Bago ko tapusin ang entry na ito, gusto ko na rin pong isingit ang pasasalamat sa bagong tambay sa asylum ni Rix, Maraming salamat po sir JonDmur

Maulan nanaman, ingat ingat po ang lahat at God bless!

- It's my opinion... so? -

Sintang Paaralan...

5:40pm (sok)

"kami ay dumating ng salat sa yaman, hanap na dunong ay iyong alay"

Iyan ay galing sa linya ng hymn ng unibersidad na pinanggalingan ko, ang Polytechnic University of the Philippines.

Di kami nakakaluwag sa buhay kaya ang pag pasok namin ni Diko sa kolehiyo ay isang sakit sa ulo sa mga magulang ko. Idagdag mo pa ang pagaaral ni Bunso na nasa private school.

Gusto ko sana sa Manila pumasok ng kolehiyo pero ginawa namin ng magulang ko ang lahat ng magagawa namin para makapasok ako sa PUP dahil apat na kandirit at 3 cartwheel lang sa bahay ang paaralang ito, inshort ubod ng lapit.

Kinumpara ko ang matrikula ng PUP laban sa matrikula ng mga kamag-aral ko nung high school at sobrang layo ng distansya ng matrikula ko sa kanila. Libo libo ang sa kanila samantalang sa akin at daan daan lang ang usapan.

Dahil sa naging aktibo ako sa pag-sali sa mga organisasyon sa loob ng unibersidad gaya ng PUP Dance Troupe sa loob ng 4 na taon (dati po talaga eh sumasayaw ako, pero matagal na yun... utang na loob hihi), naging staff ng student council ng isang taon, sumali sa Teatro (opo nag theater ako pero lumabas ako sa isang play lang. Ibinigay ko na ang opportunity sa mga bagong member after a year at naging taga-pamalita ng organisasyon ng 2 taon) ay nabigyan ako ng oportunidad na makakuha ng tulong pinansyal sa aking matrikula.

Dahil sa pinagsumikapan ko rin na di bumagsak sa mga subjects ko (Isa lang po ang 3 na grade ko (pasang awa) nung college at iyon ay Taxation nung freshman pa lang ako ahaha) ay na meynteyn ko ang general weighted average na requirement para sa financial assistance kaya naman sobrang laki ng tulong sa amin na P21.00 lang ang naging matrikula ko kada semester sa loob ng 3 taon. Opo, twenty one pesos only ehehe.

Di naman nagpapahuli ang paaralan namin sa mga academic na competition dahil naguuwi din naman ang mga participants namin ng karangalan at karamihan sa mga kakilala ko na produkto ng university namin ay matagumpay. Isa pa sa spirit ng isang PUP-ian na ikinatutuwa ko ay kahit saan mo makasalubong ang taga-PUP at nalaman nila na wala ka pang work ay sila mismo ang nagbibigay ng contact number nila para tulungan kang makapasok sa trabaho na naranasan ko nung nagsisimula pa lang akong i-establish ang carrer ko.

Nakakatuwang malaman na ang unibersidad na nagbigay sa akin ng dunong (meron nga ba? puro kalokohan ang alam ko eh... tyarls!) ay kabilang sa "Top 20 schools in the Philippines".

Sabi nila na ang kahulugan daw ng PUP ay pekeng UP, wala akong pakialam sa sinasabi ng mga paaralang iyon dahil sa may pruweba na kami na di nagpapakabog ang PUP sa ibang unibersidad hihihi.

(Pang 15 nga kami pero come on, yung ibang school pareho lang magkaiba lang ng lugar di ba? hehehe)

At ayan na, ang PRC at Ched na ang humatol sa dapat hatulan. Dapat magkaroon ulit ng human rainbow at kabugin ang unang record natin sa Guinness world records nyahahaha.

God Bless everyone!

- It's my opinion... so? -

Mahaba habang Celebration!

2:23pm (sok)

Friday pa lang ng gabi ay nagusap na kami nila Paping at Bunso sa mga gagawin namin sa Sabado. Sa sleeping quarters ako ng opisina matutulog dahil sa nagpa-slide shif, half day ako at 3:30 ng umaga ang sinula ng shift ko.

Ok naman ang lahat ng inaasahan ko sa shift ko at di ko pa ineexpect na nameet ko yung case count ko sa regular ko na shift. Di ko ipinapaalam sa mga katrabaho ko na birthday ko dahil nga sa mas gusto ko na secret lang ito (ewan ko ba? pero simula pa noon ay di ko ugali ipagkalat ang birthday ko). Nagulat na lang ako ng matapos ang shift ko at nag paalam sa TL ko na uuwi na ako ay binati nya ako ng ubod ng lakas kaya kinantahan ako ng mga tao sa paligid namin, yung traditional birthday song ng account namin na happy birthday to the tune of ave maria. Matapos ko magpasalamat ay lumabas na ako at nagmadaling umuwi.

Di ako binati ni Paping pero deads lang anticipated ko nanaman kasi na casual lang sa amin iyo. Sakto ang pagbaba ni Bunso at binati ako sa kaarawan ko nang maalala ni Paping ay niyakap nya ako at binati din sa kaarawan ko (parang eksena lang sa teleserye, tyarls!).

Nagayos at naglinis muna kami ng mini mini sa bahay bago kami naggayak para pumunta sa mall at kumain sa "eight hall you can" ngunit pagdating namin sa G5, ay sarado at nakapull out ang restaurant na kakainan namin huhu.. Peyld ang flans namin! Nagtanong na lang ako kung saan nila gusto kumain. Napadaan kami bigla sa food court ng Glorietta habang nagiisip, dahil sa di naman mahirap i-please at simpleng tanghalian lang naman ang gusto ni Paping at Bunso ay nagpasya na sila na maghanap na lang ng kakainan dun (kahit na gusto ko sana ay sa medyo bunggacious na resto kami kumain). Cozy ang Lugar na napwestuhan namin may couch sya na parang sa restaurant din ang style.

Pinapili ko sila kung saan at ano ang gusto nila kainin, Nanalo ang World of Chicken. Sabi ni Paping babalik na sya sa upuan dahil baka may kumuha kaya kami na lang ni Bunso ang nagdeside ng kakainin namin.

Nang makaorder na ay bumili kami ng inumin sa Gong Cha at mini Sanrival na Cake sa Mary Grace...

(Sa ganitong peg lang ay solve na si Paping at Bunso)

After kumain ay nagikot ikot kami sa mall dahil sa matagal na rin namang di nakakapag libot sa mall ang dalawa at naghanap na rin kami ng anti-virus para sa malalang tama ko sa utak, charut! syempre sa laugh tough namin ni Bunso.

Maynakita akong stuff toy, ang hasteg nya gusto ko yun ito sya oh..

Hanggang dibdib ko sya at napaka flofffyyyyyy! hihihi.. di naman ako mahilig sa stuff toy pero na-amaze lang ako sa kanya kasi ang laki ng bear na ito.

Natapos na kaming makapagbonding, nanood ng palabas sa activity area ng mall, window shop, nakabili ng anti-virus at more kwentuhan. Balak sana namin manood ng sine pero di nila bet ang mga palabas. Tyusi! nyahaha. Nagpasya na lang kami magkape.

(si Paping while reading nus pepper at pa sip-sip ng frap, kunan ko daw sya ng pic para gawing DP sa fesbuk)

Sakto ala-sinco ng hapon ng dumating kami sa bahay at nabasa ang text ni Erin sa akin. Celeb daw ng bornday ko punta daw ako. Di na sana ako pupunta kaso lang baka magtampo si Erin, pinayagan naman ako ni Paping kaya nagpalit lang ako ng damit at umalis na rin.

Alas nuwebe na ng umalis kami sa Starbucks Araneta para pumunta sa bahay nila Alvin (yung kasama nain sa Pampanga) dun daw kami mag house party sa kanila. Bago ako umalis at binigay sa akin ni Erin ang regalo nyang cake. hongsweet talaga ng kaibigan ko nyahahaha.

Dahil na rin sa pagod ko sa byahe at ginawa ko ng maghapon ay di tumagal ang powers ko sa celebration na iyon dahil pagpatak ng alas dos ng umaga ay kusang nag auto shutdown ang katawan ko (buti nakapwesto ako agad sa kutson). Alas-otcho na ako gumising di ko alam kung ano pa ang ginagawa namin at 10 pa kami umalis kila Alvin. Pagdating sa kanto ay kanya kanya pa silang hithitan ng yosi hanggang sa magyaya pa si Erin mag goto at ito pa ang huli naming ginawa..

Nagpiktyure taker pa sila para daw may remember. Nasa byahe pa lang ako pauwi ay panay na rin ang text sa akin ni Toffe ang ka-officemate ko dahil may movie gimik din kami ng araw na iyon. Sa totoo lang kahit may tulog ako nun eh parang lumulutang pa ang utak kong sabaw. Pinaguusapan nila sa group text kung ako ang panonoorin dahil sa parang ayaw na daw nila panoorin ang Tiktik kaya ang ending eh This guy is inlove with you mare na lang daw ang panoorin para laugh trip. Ok lang naman sa akin kung ano panoorin, ayoko na rin kasi mag-isip kasi nga di pwede sa akin iyon kasi wala naman talaga akong isip bwahaha.

Enjoy ang movie na iyon sobra, pakiramdam ko nga eh nagkakabag ako sa katatawa. Medyo madaming tao sa labas ng ticket are nung lumabas ng cinema 2. May premier night pala, yung Movie nila Derek, Gabby at ni Anne yung kabit uli ang tema... Nakipagsiksikan lang muna kami ng kaunti after noon ay naghanap na kami ng kakainan.

Giligans G5 ang bagsak namin, marami kasing tao sa halos lahat ng parte ng Glorietta 1,2,3 at 4. Habang kumakain eh nirerecall namin ang masasayang linya at eksena sa pelikula.

(Kami ang Team A)

(Sila ang Team B)

Nasa 2 picture si Toffe sya naman daw ang referee. Kems! After kumain ay nag-usap muna sila kung saan ang sunod na thumbling nila. Di ko na yata kayang sumugod pa kung saan sila dadalhin ng mga paa nila pero di na talaga kaya ng katawang lupa ko ang makipagsabayan sa mga chakra nila kaya nagsabi na rin ako na di na ka makakasama sa kanila.

Nagpaalaman na kami ng makalabas ng G5. Kung kaya pa siguro ng katawan ko eh malamang extended ang kwento na ito hanggang sa pagvi-videoke na kasama sila hehehe.

Bago ko tapusin ng entry na ito... Salamat po sa bagong kampon ng baliw na si Rix... Welcome po sa asslum Cynon :).

Have a safe week everyone at sana ngayong week magkaroon ako ng weekend talaga ng makapagpahinga na ako.

- It's my opinion... so? -

Ninong?

11:41pm (sok)

Nakausap ko ang isang kaibigan ko ay sinabi nya na gagawin nya daw akong ninong ng anak nya sa Pasko. Madadagdagan nanaman ako ng inaanak, at dahil dyan nag-abiso na ako sa mga close kong kaibigan na kapagkukunin nila akong ninong ay may mga requirements na ako (yung simbahan nga may mga requirements din eh di ako din):

1) NSO copy of birth certificate
2) 2 Valid government issued IDs (company ID, SSS IDs, GSIS ID, PRC License, Passport, etc)
3) Proof of billing (Meralco bill, Telephone bill, Credit Card Statement, MWSS/Maynilad water bill)
4) NBI Certificate
5) Police Clerance
6) Baranggay Clerance
7) Picture (ebidensya na close talaga tayo para maging ninong ako ng anak mo)
8) Mirrage Certificate (mahirap na baka ako pa maging instant tatay ng anak nyo hihihi)
9) Essay na nagsasabi kung bakit dapat akong maging ninong ng anak mo (250 words, size12, tahoma font, legal size bond paper with margin)
10) Lakipan ng any proof of purchase ng kahit anong products ng participating sponsors:

a) 3 tsupon ng mimiflow feeding bottle.
b) 5 empty wrapper ng pampers any size.
c) 2 resibo ng BonaKid milk.
d) 1 Bote ng Gerber.
e) 4 na dropper ng Tikitiki

Ihulog lamang sa tapat ng bahay, bahala na si Paping doon hihihi.

Maraming salamat!

----> Dahil wala pa akong pahinga at pagod pa ako, isang entry nanaman na puno ng kalokohan ang nagawa ko.

----> Bukas na ako mag kkwento ng nagyari sa birthday ko.

---> Ingat po ang lahat, God Bless us..

- It's my opinion... so? -