Summer Sarap pt. 3

Check-up Time: 10:18am

Kamuesta? Naku before anything else gusto ko batiin ang lahat ng tatay nakakilala ko, Happy Father's day sa inyo.

Natry nyo na ba makipag mingle sa mga sea creatures? Hindi maliliit ha yung mga malalaki talaga? As in malaki?

Huling banat kasi namin sa escapade namin sa Visayas ay ang nakipag mingle ako sa mga kasize ko na butanding hihihi.

9 na ata ng umaga kami nung makarating sa isang resort sa Oslob, Cebu na nagca-cater ng Butanding adventure. Note may body clock ang mga butanding. Kapag 12 noon na kusa na silang pumupunta sa laot at iniiwan ang mga nagsi-site seeing kaya dapat maaga kayo sa site.

After namin magpahinga at magbayad ng charges (500 per head ang adventure kasama na ang life vest, snorkeling gear at seminar tungkol sa safety pag nasa encounter na kayo.

So ito na ready na kami makipagmingle sa kanila. Nung nasa laot na kami kala mo naman ang galing ko lumangoy at ako ang unang tumalon sa bangka.

Agad na may pinalapit sa amin na butanding. Kahit na sa ibabaw ka ng dagat maaninag mo ang mga palapit na butanding. Eeeeeee bigla ako kinabahan kasi nga naman mas malaki pa sila sa jeep considering ilang buwan pa lang ang mga butanding na yun. So imagine nyo na lang kung gaano kalaki ang parents nila.

Sa kasamaang palad nagloko ang action can ni Kamae kaya wai kaming picture sa ilalim ng tubig pero kahit paano may picture namin kami sa ibaba na kasama sila.

Every once in a while dini-dip ko naman ang sarili ko sa tubig para naman makita ko nga sila since may goggles naman. Grabe hindi ko inimagine na ang isa pang butanding na sumayad ang fins sa puwet ko e makikita ko ng sobrang lapit. Medyo nakakatakot na nakakatuwa na makita mo ang mga gills nila pero its so amazing to see this creature in action... terhey english talaga?

Henny waist, buti na lang at medyo matagal din kaming nakipag rubbing elbows sa kanila kasi nung saktong paalis na kami eh nagsi-alisan na din sila feeling namin tuloy kami lang ang hinintay nila.

After nito dapat ay pupunta pa kami ng ibang gagalaan within the are kaso lang this is our 4th day na naggagala na puro tagtag ang katawan because of the activities we tried. Sa totoo nga lang pagod na din ang katawang chubby ko kaya naman napahpasyahan na lang namin na maghanap ng lugar para makapagpahinga dahil bukas bago kami pumunta sa airport ay dadaan pa kami ng Magellan's cross at sa Cathedral ng Sto. Nino.

Wala sumasagot sa mga accomodation na kinocontact ko buti na lang yung driver ng tricycle namin is so kind, sabi nya kung gusto daw ba namin na magstay sa isang private na resort. Eh private sya so iniisip namin kami lang ang nanduon eh di why not! True enough, kami nga lang ang nandoon. Nakakapraning pa na ang accomodation namin is 2.5K lang tapos good for 8 na edi ang saya. Napansin ko na malapit lang kami sa Cuartel dahil walking distance lang sya. So atleast my adventure pa din kami doon. Inenjoy namin ng hard ang place dahil sa kami nga lang ang tao sa resort na yun.

Bandang 4 na ng hapon, dahil di na mainit nagsimula na kaming maglakad papunta ng Cuartel ang kanya kanyang kuhaan ng picture. Nung nagdilim na ng tuluyan nagpasya na kaming umuwi para maghapunan at matulog.

7 na ng umaga kami nagsibangon ay naggayak para magabang ng bus papuntang Cebu city, after ng 3  na byahe eh nakarating din kami sa destinasyon namin. Nakakatuwa lang ang Cebu dahil sa 20 years na ng huli akong mapadpad sa Cebu eh ngayon ko lang nalaman na may coding na ang route ng mga jeep dito at ang pinakagusto ko dito hindi choosy ang mga taxi driver kesehodang malayo ang pupuntahan mo wala silang magagawa ihahatid kanila ng nakametro at walang dagdag na hinihingi. Ito ay dahil sa ipinatupad nilang batas para naman mapromote ang tourism sa kanila. Galing noh?

Narating namin ang Magellan's cross ng around 11am hindi pa kami makapasok kasi inaayos pa sya kaya sa labas na lang kami nag picture picture. Yung Cathedral ng Sto. Nino ganun din, inaayos pa sya dahil sa kita pa rin ang damage na ginawa ni Bagyong Yolanda sa kanya kaya naman madalas eh nagmi-misa sila sa labas ng Simbahan.

After nito eh naghanap lang kami ng kakainan ng saglit at tumungo na kami ng airport dahil sobrang traffic sa Mactan kaya para hindi kami magmadali eh kami na din ang nagpasya na maaga ng pumunta ng Airport.

May mga hindi pa ako nagawa at napuntahan sa mga lugar na ito kaya feeling ko babalik ako sa mga ito. Eh may nakutsaba na akong kasama na 2 blogger din na pumunta dito... For sure masaya ito lolz.

Be funny, so everyone is happy... Have a PsychoRix day!!!!

Summer Sarap Pt. 2

Check-up Time: 

Omg! Sorry naman kung natagalan ang pag return of the come back ko sa kwento ko.

Kasi naman humuling hirit sa tag-init pa si akiz hehehe.

Sige continue ko na ang kwento ko tungkol sa..........

After namin sa Dumaguete gabi ba kami nakarating ng Siquijor ng pareho din araw. Ang isa sa mga kilalang tour guide ng Siquijor ang nakausap ko na tumulong sa amin maghanap ng accommodation at mag-tour na din sa amin, si Kuya Joam.

Puno ang halos lahat ng mga backpacker lounge at hotel dahil sa peak season ng pumunta kami. Wala kaming choice kundi magstay sa medyo pricey na accommodation. Nagpunta kami sa Chelle's guesthouse. Ang booking namin doon ay 2 gabi lang, ibig sabihin sa last night namin doon maghahanap pa kami sa tutuluyan. Hagard! lolz.

Kinaumagahan, nagsimula na ang adventure namin. First stop ang Capilay's Spring Park. Cool ng park na ito. Open sya sa public tapos sa gitna ng park na ito ay may malaking lagoon/pool na ang tubig ay galing sa bundok. Ang attraction nito ay pwede ka maligo sa lagoon/pool. Ang linaw ng tubig kita mo ang ilalim ng lagoon/pool.

After namin i-enjoy ang place, fly na kami sa sunod na lugar, ang Enchanted Balete Tree.

Para sa akin, mas malaki pa rin ang balete tree ng Baler, pero ang isa sa pinaka-cool na gawin dito ay habang pinagmamasdan mo ang matayog na puno eh iloblob mo ang paa mo sa spring doon para mag pa-fish spa. Walang required na bayad ito. Donation lang. Galing di ba? 

Sunod na pinuntahan namin ay ang isa sa mga oldest church ng Siquijor, ang simbahan ng Lazi. katulad ng nakaugalian ko. Kapag may napuntahan akong simbahan nag titirik ako ng kandila at nagdadasal. ☺

After nito ay magsisimula na ang mga water activities namin, Umakyat na kami sa burol dahil papunta na kami ng Cambugahay falls. Malinaw ang tubig ng 3 falls ng Cambugahay yung nga lang kung sa iba ay ite-trek ang mga falls dito naman ay bababa ka ng burol para makarating ka.

Akala ko ang monkey swing na ang pinaka intense na activity namin that day hindi pala lolz.

After namin magenjoy sa tubig ay nagpack-up na kami papuntang Salagdoong beach para mag cliff dive. Yep mag-cliff dive lolz.

Lunch na nung dumating kami ng Salagdoong. Hindi kami nakabili ng food o nagbaon kaya wala kaming choice kung di bumili ng food doon. Medyo pricey ang food dito kaya if ever man na pupunta kayo mas mainam na may baon kayo.

After namin mag lunch ay nag jumping jack kami ng medyo madami dami ng matigtig ang kinain namin dahil tatalon na kami ng cliff. Ako pa ang pasimuno na nandun ka na din naman hindi mo pa itry eh nung nandun na ako at sumilip sa egde ng diving board nanginig ang tuhod ko. At hindi ako nag bibiro.

Habang nagtalunan na ang mga kasama ko ako nanatiling nangangatog ang tuhod ko sa dulo ng jumping board. Hindi nyo ako masisisi. May fear of heights ako. Hindi ko namalayan na napagtawanan na ako ng mga tao na lulundag sa akin nung tinanong ako ni Basha kung bat di pa ako tumatalon. Sabi ko lang "ang langoy ko de-susi. 30 seconds lang, pag-naexpired na yun ay at di ako nakalangoy baka game over na ako."

Mukha namang safe ako. May built in salbabida ako kita nyo ba? lolz

Pero nakahanap din ako ng tapang lumundag, yun nga lang sabi ng life guard dapat daw lumundag ako palayo ng diving board hindi sa edge ng diving board dahil medyo mababaw daw doon. Susko sa loob loob ko lang, 10 feet na nga ang lalim ng tubig na binagsakan ko (hindi pa kasama ang 25 feet na taas ng diving board papuntang tubig dagat) eh mababaw pa ba yun? lolz.

After ko lumundag hindi na sila nagpalundag pa dahil sa lowtide na. Baka mamaya mag-cause ng injury ang iba pang tatalon dahil sa impact ng pagtalon nila sa cliff at maabot ng paa nila ang bottom surface ng dagat. Buti na lang nakatalon pa ako.

Feeling proud naman ako habang pasakay na kami ng multicab namin at papunta sa sikat na bilihan ng Ensaymada.

The ensaymada is so good, kahit walang lipstick (margarine at asukal). napakasoft ng tinapay manamis namin ang mismong tinapay nya at hindi dry ang loob nito. Ganun din ang Pan de coco nila na ang palaman ay bagong luto na murang buko. hongshorep! Yung cheese bread nila kagit mura di tinipid ang keso sa malambot at manamis namis na tinapay. Pati yung Pan de rosa nila na kahit walang palaman, butter o asukal malasa yung tinapay.

Kakaiba ang way nila ng pagluluto ng tinapay eh, nung nakita ko ang pugon nila ang concept nya eh parang nagluluto ka ng bibingka... Astig!

After namin mabusog pumunta kami sa bakawan, dahil nga low tide, makakapaglakad sa sa mismong bakawan hindi mo kailangan ng bangka hihihi.

Pagtapos namin pagmasdan ang bakawan dito ay sumugod na kami sa accommodation namin para magpahinga ng slight. Nagrerecharge kami para naman sa susunod na araw ng activity namin sa probinsya.

Nung pangalawang araw namin, ang nakalatag na adventure namin ay ang pagexplore ng cave, at ang silipin ang isa sa mga folk healer ng Siquijor.

Bago namin simulan ang adventure namin ay tinignan namin ang Casa Miranda kung may available silang room dahil nga last day na namin sa Chelle's guesthouse. At sinuwerte namin kami dahil may isang room na available. pero dahil 8 kami (yung isa namin kasama ay naunan ng pumunta ng Cebu) at 4 lang ang pwede sa room, 4 sa amin ang nagrent ng tent at nagdecide ng matulog sa area na tapat ng dagat, isa ako doon. ang Cool nya promise.

After namin maglagay ng gamit sa pa kami kami pumunta ng Cantabon cave para mag explore, eh dumaan muna kami sa Paliton beach. Sa totoo lang kung ikukumpara ko ang tubig ng Boracay at white sand eh mas ok ang lugar na ito. Ang pinagkaiba lang nila ay ang texture ng buhangin. Sa Boracay kasi pag-pinagpag mo ang buhangin matatanggal sila sa balat mo pero dito kailangan mo maghugas para maalis ang buhangin sa balat mo. Pero I must say, very inviting ang tubig dito.

After namin nagpunta ng Paliton ay umakyat na kami ng bundok. Nasa 20-30 minutes din ang binaybay namain sa maliit na highway na habang patagal ng patagal eh pakunti ng pakunti ang bahay na nadadatnan mo ay puro matatayog na puno naman at malamig na hangin ang sasalubong sayo... Medyo scary ba? hahaha.

Nung narating na namin ang lugar kung saan kami magpaparegister ay agad na kami nagpalista, nagbayad ng taripa at kumuha ng kanya kanyang helmet at flash light. Agad na din namin tinguno ang lugar at sinimulan ang 1.2 kilometers (papunta at pabalik) na cave exploration. Sa totoo lang dito ko na realize na kung sporty at medyo mahilig ka sa mga sporty na activity ay may advantage ka pagnag-ca-cave exploration ka dahil hindi biro ang dadaanan mo along the way. Yung bago kong flaps parang isang taon ng nagamit nung natapos namin ang activity na ito.

Matapos namin sa medyo matinding activity na ito ay nagpasya na kaming pumunta sa folk healer. Ayaw subukan ng mga kasama ko ang activity na ito. Bilang ako naman ang nagyaya ako na lang ang sumubok. Wala na ang kilalang fold healer na si Aling Conching sabi ni Kuya Joam, ang pagkakaintindi ko sa kwento nya ang apprentice nya na si Annie Ponce na ang nagpatuloy ng gawain na ito.

After nito ay nagkaroon pa kami ng marami-rami pang oras para naman iexplore ang mga pwede makita sa Casa Miranda. Low tide pa rin at dahil nag lalabasan ang sandbar nagtrip kami ni Erin at Kamae na pumunta sa gitna ng sandbar at magkuhaan ng picture.

Ang aking Superman shot Siquijor edition lolz

Inabot na din kami ng 6 ng hapon sa mga pinaggagawa namin, Pumunta kami sa hmmm sort of bancheto na malapit sa Casa Miranda at dito na naghapunan.

Pagbalik namin ng Casa, ay nagpahinga na kami dahil sa 6 na umaga ang alis namin ng Siquijor pabalik ng Dumaguete papuntang naman ng Oslob, Cebu.

O alam na, next time ko na ikukwento ang Cebu... hehehe nambitin pa ☺




                                   Be funny, so everyone is happy... Have a PsychoRix day!!!!

Summer Sarap pt. 1

Check-up Time: 2:00pm

Kamusta naman kayo nga friends?

Susko naman inamag ng burberry light ang page ako haha.

Gala after gala ang peg ko. Yung tipong nagrereklamo na ang phalanges, carpals at metacarpals ko nagsusumamo na na magpahinga ako.

Anyway ano pa nga ba ang gagawin ko kundi magkwento na ako ng pahapyaw (sa discovery blog ko na ako mag kwento ng harsh) ng mga adventure and misadventure ko sa summer sarap vacation ko.

May 16 ng umaga ng lumapag ang eroplano namin sa Dumaguete kahit excited na kami gumala bilang mahapdi na ang sikmura ng ilan sa amin dahil wala pa kaming agahan eh bumili kami ng kahit anong makakain sa terminal ng Ceres sa Dumaguete bago sumakay ng bus, susundan kasi namin ang itenerary na binigay ni Grah ng Chickturista (yung mga lugar na pupunathan namin galing naman kay Phioxee na wala na yung page nya /sob).

Ito na papunta na kami ng Balinsasayaw twin lake. Hindi naman ganun kalayo ang lugar kaso lang dahil sa pre-occupied ako susme, naiwan ko ang bag ko sa bus. Tinawagan ko dali dali ang terminal ng Ceres at nireport ko na naiwan ko ang bag ko sa bus nung bumaba kami sa Balinsasayaw, sabi sa amin puntahan daw namin sa terminal ng 2pm.

Saya ng adventure di ba? Or shall I say, ang shunga ko lolz.

Henny waist! back to may kwento na. Wag na akong husgahan na shunga kasi accepted ko na lolz.

Hagard ang byahe papunta doon. nung una deadma lang naman ako sa pataas na byahe ng habal habal sa gitna ng tirik na araw. Pero wait lang ha, kahit nasa tirik na araw kami bumabagtas hindi ramdam ang fierce na init ng araw. Malamig ang simoy ng hangin dahil nalaman ko na bundok pala ang binabagtas namin. Akala ko medyo elevated lang ang lugar na pupuntahn namin.

Tinuro ni kuya driver ng habal habal ang lugar na pupuntahan naman while riding the motor, Like i just cant believe him that moment kasi like its so layo and its so bundok talaga *insert Kriss Aquino voice here* Nyarot lungs!

Pero totoo yun hindi ako naniwala agad sa kanya, Naniwala na lang ako nung 30 minutes na kami nagbibyahe eh hindi pa kami nakakarating.

Sa wakas nakapagpahinga ang binti ko sa pagbukaka sa motor, Bumaba muna kami para magparegister ang magbayad ng mga fee fee ganyan. Eh sa binabaan namin may lake din. Susko akala ko nandun na kami hindi pa pala.

After namin mag picture taker, go na kami sa totoong lake na pupuntahan namin. Hati ang emosyon ko nung narating namin yung Twin lake ng Balinsasayaw.

Masaya kasi ang ganda ng lugar at....

Malungkot kasi inaalala ko pa rin yung bag ko.

Ang lake Balinsasayaw ay isa daw inactive volcano, ang lahat ng natatanaw namin ay ang unang lake pa lang, kung pupunta ka sa kabilang lake mamamangka ka sa halagang 250 pesos kada oras at keri daw ang 7 tao, pag narating nyo ang kabilang pampang slight trek ng 5 minutes at mararating na ang pangalawang lake.

Kanya kanya kami ng pwestuhan para magpapicture sa lugar at enjoying ang view at ang sariwang hangin. Nagpunta ako sa daungan ng bangka nila at niloblob ko ang paa ko sa tubig ng biglang naglapitan ang mga isda doon at kinutkot ang paa ko. Instant fish foot spa.

So, ito na pabalik na kami ng main road para balikan ang bag ko sa terminal ng Ceres. Pang-malakasang byahe nanaman ito. Motor namin ang unang nakarating sa waiting area ng bus at agad akong tumawag sa Ceres para magconfirm kung nakuha nila ang bag ko. Answered prayer! Puntahan ko daw sa customer service nila.

Nung tinanong ako ng mga kasama ko, ang sabi ko lang nagdasal kasi ako na kung di ko makukuha yung bag ibigay na lang sa nangangailangan... Eh ako yung nangangailangan kaya sa akin din binigay. Galing di ba? 

After namin pumunta makuha yung bag ko pumunta kami ng Qyosko na ni-recomend din ni Grah. Ang inorder ko ay hawaian chicken burger para sa lunch ko, pero parang nalugi ako. Hindi kasi sumayaw ng hawaian dance ang burger ko. Charut lang!

Nag-ikot-ikot na kami sa lugar para makita ang iba pang sinabi ni Grah hanggang sa.......

Napadpad kami dito...

Kahit busog pa kami kanya kanya kaming order ng silavanas at ng mga cakes.

Na-tu-twinkle ang mga mata namin dahil hong mura ng mga cakes dito compare sa Manila. Dito may isang slice ka na ng cake na uber sa sarap sa halagang 60 persos lang (samantalang sa Manila 120-190 ang slice ng cake na kaparehas lang ang sarap).

Ang inorder ko kay isang silvanas at isang slice ng Concorde cake. Yung Concorde cake eh may lady's finger tapos may pagka-chocolate-mocha ang filling nya tapos sinasabayan ko ng traditional na batirol. Hong sorop sorop nya!!!

Panay kami kain ng marealize namin na kailangan na pala namin magmadali sa port papuntang Siquijor dahil if hindi kami makakasakay dun bukas na kami darating ng Siquijor.

Hindi na namin napuntahan ang ibang lugar na dapat namin puntahan, haizt sayang pero sign na yata ito na kailangan bumalik doon.

O sya sunod na entry ko naman ang kwento ng Siquijor

Be funny, so everyone is happy... Have a PsychoRix day!!!!

Ina

Check-up Time: 11:06pm

Sa lahat ng nanay, mama, ina, inang, inay, mommy, mom, mudra, maduk, mujay, mudax, mother.. ano pa man ang tawag nyo sa babae na nag-aruga sa atin simula sa sinapupunan hanggang sa matuto tayong magsalita mag-lakad at mamulat sa mga bagay bagay...

(credit to the owner)

Sa aking Ina, alam ko na masaya ka sa langit kasama ng iba pang ina. Maraming salamat sa lahat. Utang ko sayo ang buhay ko ngayon. Mahal na mahal kita at sobra na kitang namimiss.

Kita naman po tayo sa panaginip ko kung hindi ka busy sa langit. Magkape naman po tayo..

Be funny, so everyone is happy... Have a PsychoRix day!!!!

Sumasummer

Check-up Time: 9:53pm

So feel na feel nyo nya ba ang summer?

For sure naman siguro di ba? Kung di ka jinajabar sa init ay ikaw na ang may malakalabaw na balat. Nyarots only hihihi.

Uso ang heatstroke ngayon kaya ingat. Keep yourself re-hydrated.

Sploking of stroke. Nalungkot ako dahil sa pumanaw ang tatay ng barkada ko dahil sa heatstoke na nauwi sa major stroke. Haizt.

Nakakatakot pa naman kasi, ayon sa narinig kong chismis sa parlor sa may kanto namin bumabata ang nagiging biktima ang heatstroke na nauuwi sa major stroke.

Siguro bukod sa sobrang init ng panahon eh nakakadagdag din ang life style ng mga generation ngayon.

Madalas eh mga pagkaing instant at mga unhealthy ang kinakain nila (kala mo naman napakahealthy ko. Chars lang!) at hindi masyado active ang mga activities nila. Kung hindi puro tab ang hawak nila eh ang katapat nila laptop/desktop. Mas madali tuloy sila kapitan ng sakit dahil sa kulang sa ehersisyo.

Di tulad sa henerasyon ko na kada alas-quatro ng hapon. Kung kelan di na mainit nagkukumpol-kumpol na KAMING (all caps talaga??? lolz) mga kabataan para mag-isip ng lalaruin at magkakampihan.

Kung batang 90s ka eh for sure nalaro mo ito..

Pasensya malabo hihihi nakuha ko kasi ito sa net (credits sa may ari hihihi)

O nalaro nyo ba yan? Ako oo, at may iba pa, kulang pa nga yan. Sobrang inactive ng mga laro ng mga kabataan ngayon. Nakakalungkot nga na may mga batang hindi alam ang patintero samantalang noon lumalaban pa ang school ko nung elementary ng interschool sa mga palarong Pinoy. Sana isama sa curriculum ng mga school ngayon ang paglalaro ng mga Pinoy games kasi malaki ang matutulong nito sa kalusugan ng mga bata.

Sploking of malusog. Nastress na talaga ako ng burberry hard dahil sa pag-akyat ng timbang ko. Ipingadadasal ko nga na mabawasan ako kahit isang guhit lang (baboy lang sa palengke?) masaya na ako dun.

For now enjoy ako sa zumba. Tagtagan ng mga fats mga meym and ser! Feeling ko ito ang sagot sa kahilingan kong ikakapayat ko ngayon sa current na timbang ko..

Pasensya na sa katabaan. Bago magstart ang zumba session

Sploking of stress din. Ay salamat alam ko na kung saan makakabili ng mint leaf. Makukumpleto ko na ang detox water ko. Hindi na lang lemon ginayat na luya at pipino ang gagamitin ko madadagdagan na sya ng mint leaf.

Pero bago yun sinubukan kong gumawa ng sarili kong lemon mint tea. Nagenjoy naman ako kasi tunay ngang nakakawala ng stress ang tea na minty ang lasa.

Sa ngayon ay naghahanda na ako sa escapde ko ng summer. Unang beses ko maglakwatsa ng 3 probinsya ng isang bagsakan lang. Pupunta kami ng Dumaguete, Siquijor at Oslob, Cebu. Susko! Salamat sa nag sponsor ng swimwear ko, yun nga lang mukang kailangan ko mag wax nyahaha. Potek kasi ang mga supportive kong mga friends binilhan ako ng trunks. Okay lang naman sana kaso lang hindi boxer brief yung style ng trunks.

Jusme! Kung suot ko yan at mas malusog pa ako kay Free Willy, so disturbing!!! Baka umahon ang mga laman dagat at pabalikin ako ng Manila ☺

O sya dyan muna kayo. Magzuzumba muna ako. Baka ikapayat ko na ito lolz.

Be funny, so everyone is happy... Have a PsychoRix day!!!!