Check-up Time:10:54pm
Halu mga pasyente!!!!
Kamusta naman? Daming ganap noh? after ng Mother's day eh Election day naman so kaya pa ba ng mga powers nyo? kung keri pa good ibig sabihin mataas ng resistance nyo sa pagod pag hindi na ok lang yan baka signs of aging... Chars!
Sploking of resistance, eh sa totoo lang ay ginagawan ko na ng paraan ang problema ng mata ko na na-chika ko na sa inyo sa mga previous hanash ko.
Almost a month ago na nag-undergo ako ng lasik suitability test medyo. Nakakawidang sya. Iku-kwento ko lang ng very slight para naman aware po kayo sa mga pre-test na gagawin. Malalaman sa test na ito kung ano ang procedure na dapat gawin if ever na gusto nyo icorrect ang defect nyo sa mata.
So ito na nga, gumising ako ng 12pm ng Sabado ng hapon dahil ang schedule ng pregnancy test ko ay 2pm, ay mali....lasik suitability test pala yun...
So iyon na nga hinanda ko na ang sarili ko with the help of mga kasama ko sa bahay parang ganito..
Dahil sa mata ko ang ichecheck dapat maayos sya para naman walang reklamo ang doctor kaya naman ayan mayos na maayos sya, parang ganyan....
O di ba? di nakakahiya kay doktora dahil sobrang ayos ng mata ko at di sya masyadong disturbing? nyahahaha.
Henny waste, ito na nga tamang tama lang ang oras ng pag dating ko sa hospital maaga pa kaya may oras pa ako hanaping ang department kung saan gagawin ang check up ko... Nadismaya ako sa unang napuntahan ko. Doon kasi ako dinala ng mga paa ko dahil sabi ng kutob ko iyon ang tamang department eh ang napuntahan ko ala ay...
Oo, tama nga na dito talaga ako nararapat pero mata ang pakay ko that day, so big X sya sa akin... Simula nanaman ng walkaton ko para hanapin ang tamang department. Hindi nagtagal ay nakita ko rin ang Lasik Eye Department ng Asian Hospital. Nahiya naman ako kasi grand entrace ako, parang premier night lang may red carpet at talagang hinihintay pala nila ako....
Vungga di ba? I feel so valued, charut! So, tulad ni Loley sa piktiyur... fill-up fill-up din ng form pag may time so pinaupo muna ako sa very comfy nilang upuan kaso lang pang single lang ang upuan nila so solo ko ang upuan, so casual lang ng upo ko promise ganto lang oh,
Tapos tinawag na ako para mag prepare na daw sa test, so ako naman ay tumayo na at ihinanda ko ang sarili ko para sa test tumayo lang ako sa labas ng silid kung saan iche-check ang mata ko tulad nito.
After a few heto na dinala na ako sa testing room nila. Nagulat ako kasi ang dilim ng room. Tinanong ako ng assistant ko ready na daw ba ako. Tumango lang ako and then..... Pinitik ni assistant ang mga daliri nya at biglang umilaw ang disco ball maya maya may lumabas ng mga girlalet na naka tangga at sumasayaw to the tune of buttons ng pussycatdolls parang ganito lang
Pero shempre tulad ng ussual charut lang yun noh ehehehe.... Pinaupo ako sa isang upuan at may machine sa harap nito sabi ng nag aasist sa akin eh itetest daw nito kung kaya nyang marecognize yung mga primary colors ito yung machine na yun..
Nahihirapan ako sa test na ito dahil sa kailangn ay dilat talaga ang mata mo upang mascan ng machine ang mata ko kukuha sya ng mga imahe ng mata mo. Inabot na ako ng labing walong minuto dahil sa hindi nito makuhaan ng maigi ang mata ko kaya sa sobrang inis ko nung sinabi ng nag-aasist sa akin na "open your eyes wider" ito ang ginawa ko.
"Good shot" sabi ng nag a-assist sa akin. kaya naman pinasunod ako sa kabilang table para sa isa pang test. I-che-check naman daw ng machine na iyon ang kakayahan ng mata ko na masustain ang liwanag. May ripple pattern na liwanag ang machine na iyon at kailangan mo na tumingin sa gitnang ilaw nya tapos nito ay masusukat na ng aparato ang resistance ng mata mo sa liwanag. Ito ang machine na sinasabi ko
Ang sumunod na test ang halos nagpaiyak sa akin. Schirmer's test ang tawag doon kung saan susukatin ang moisture ng mata mo. Sa test na ito ay lalagyan ng espesyal na papel ang dulo ng mata at ito ay tatagal ng limang minuto sasadyain ng papel na ito na paluhain ka dahil sa susukatin nito kung sapat ba ang luha na nagagawa ng mata mo upang manatiling lubricated ang mga mata, tulad nito:
Sa totoo lang nahirapan ako sa test na ito dahil aminado akong mahapdi ang papel na nilagay nila dahil sasadyain talaga nila na mairitate ang mata mo. Medyo nakakairita talaga sya at makati sa mata pero awa ni Lord normal naman ang lumabas sa resulta sa test na ito. Ang sumunod na test ay medyo ikinatakot ko kasi kailangan i-check ang thickness ng cornea ako. Ibig sabihin ay tutusukin sya, hindi ba tunog palang eh nakakatakot na dahil sa tutusukin daw. Mas ikinawindang ko nung sabihin na 5 beses daw tutusukin ang mag kabilang mata ko. Aatras na sana ako sa test na iyon pero sinabi ng nag-aasist sa akin na hindi sya ganun kasakit dahil sa ang dulo nito ay malabot at parang foam. Sinubok ito sa balat ko para malaman ko kung ano ang i-e-expect. Ito ang ginamit na gadget sa test na iyon:
Sunod na test naman ay ang normal na test na madalas gawin kapag magpapagawa ka ng salamin at ito ang aparato na iyon:
Pero, nagulat ako dahil mas advance ang gamit ng Asian Hospital dahil sa kaunting adjustment lang ay nalaman agad nila ang ang antipara na gamit ko ay walang grado para sa astigmatism ng mata ko. Tinaasan lang ang grado nito para maging compatible ang parehong mata ko at sinabi nila na ito ang dahilan kung bakit di naco-correct ang grado ng astigmatism ko.
Matapos kunin ang lahat ng datos at gumawa ng report ang mga assistant para basahin ng doktor. Sabi ng doktor sa akin na maganda ang kundisyon ng cornea ng mata ko at nakapasa ako sa lasik suitability. Nirekomenda nila na pwede ako mag undergo ng lasik eye procedure para ma-correct ang astigmatism ko at ma-correct na din ang panlalabo ng mata ko. Sinabi ng doktor na kayang ibalik sa 20/20 ang vision ng ko sa procedure na ito.
Sa ngayon ay inihahanda ko na lang ang halagang kailangan para sa gagawing lasik treatment sa mata ko. Tulad ng inaasahan ng doktor ko, bago matapos ang taon ay maayos na ang deperesya ng utak mata ko. Sasali muna ako sa game show para magkaroon ako ng pera, mahirap ba mag papalit ng cheque sa bangko kapag ganito kalaki ang cheque mo?
Haist, sige na nga magwo-work muna ako para naman di na ako mag loan sa coop namin para sa treatment ko hihihi.
Tandaan, sa panahon ng kalungkutan: Pa-check up ka sa adik para lumabas ang saltik... God Bless!
