Sunday, December 30, 2012

Huling Hirit sa 2012!!!

3:02pm (sok)


Gaya ng title ng entry ko, ito ang guling post ko this year...

Sa totoo lang di ko alam kung ano ang pakulo na gagawin ko sa huling entry ko para sa 2012 pero gagawin ko na lang itong casual tulad ng dati.

Tulad nyo sa kanya kanya ninyong mga pahina ay sinubok din ang aking kakayahan, hangganan, pasensya, at tiyaga.

- Tinuruan ako ng taon na ito na harapin ang isang bagay na kinatatakutan ko ang mawalan ng minamahal sa buhay ng kunin ng lumikha ang Mama ko noong nakaraang pasukan. Ako ang sumubok na irevive si Mama bago namin sya itakbo sa hospital. Parang unti unting gumuho ang lupang kinatatayuan ko sa hospital ng marinig kong sabihin ng doctor na dead on arrival na si Mama. Madami pa kaming plano ni Mama pero tinuldukan iyon ng sakit nya. Kahit na sobrang bigat sa pakiramdam ko ay sinubukan kong maging matatag at lumabas sa comfort zone ko para sa family ko, para kay paping, Diko at kay Bunso.

- Madalas ay ako ang nasa so-so grid nung malipat ako sa bago kong account ko ngayon. Naghahangad man ako na marecognize ako pero di ko ginawang maging sobrang bibo dahil ayoko magexpect dahil baka ako rin ang malungkot dahil sa di ko mameet ang expectation ko kaya ginawa ko lang ang lahat ng makakaya ko. Nagbunga din ito ng minsang maging "Agent of the Month" ng queue namin, yun nga lang nabaon na yata sa limot ang certificate ko (o baka chinarot lang ako ng TL ko).

- Konti na lang ay mapapatid na talaga ang pisi ng pasensya ko sa dati kong TL dahil sa sobrang kunsumisyon ko. Sya pa ang naging dahilan nga pagkakaroon ko ng stress related na hair loss ko na awa naman ng Diyos ay unti unti na ring nagiging ok ngayon dahil nalipat na kami sa bagong TL. Salamat sa pagdinig ng dasal ko Lord... tyarot!

- Ni sa hinagap ay wala talaga sa isip ko ang gumawa ng sarili kong blog, pero ngayon... tiganan mo nga naman ang pagkakataon at ngayon ang busy na ang mga daliri ko sa pagtipa ng mga letter sa keyboard ng laptop ko para gumawa ng mga entry.

Salamat kay Erin na nagencourage sa akin na subukin ang pag gawa ng blog. Ganun din kila Kulapitot, Archie at Arline dahil sila talaga ang mga nauna kong mga nakakulitan sa asylum ko kaya naman nadagdagan ng nadagdagan ang mga entry ko at ngayon ay lumilevel up na ang itsura dahil na rin sa matiyaga kong pinagaaralan ang mga bagay na bago sa akin ganun din sa pagtuturo ng mga nabanggit kong mga tao.

Mataas ang expectation ako sa Year of the Water Snake lalo pa at sinabi ng mga Intsik na swerte daw ang mga taong pinanganak sa taon ng Aso (disclaimer - di hawak ng mga bituwin ang ating kapalaran, gabay lamang sila may sarili tayong free will, gamitin natin ito-- Zenaida Seba? nyahaha). Sana ay matupad ang mga gusto kong gawin... ito yun oh:

1) Bumalik sa pagpapapayat - tumaba nanaman kasi ako
2) Out of town - Gusto ko pumunta ng Baler, Aurora at itry mag-surf.
3) If kaya ng budget, Out of the country - gusto ko ma-try maging back packers.
4) Mag-aral uli - Balak ko kumuha ng another course.
5. Magkaroon ulit ng Dog - Yung Dog kasi na mahal na mahal ni Mama ipinaampon namin sa kapitbahay. Di na kinaya ni Paping na kunin ulit kasi naaalala nya si Mama :(



Salamat sa 2951 views sa asylum ko (base sa huling silip ko po ito, at alam ko na 1951 dyan ay kagagawan ko). Sa 31 na pasyente ko na nagtyagang basahin ang post na wala namang talagang sustansya (actually isa sa mga winish ko ay umabot man lang sa 30 ang mga pasyente ko bago matapos ang taon hihihi). At sa wakas na meet ko rin ang goal ko na 60 entries bago ang year end dahil ito na ang pang 60th entry ko...

Kahit na medyo marami ang mga entry na yan ay may mga gusto akong entry na gawa ko ngayon taon at ito ay:

Aliw sa Liliw - ito ang entry ko na unang tumabo sa lahat ng ginawa ko.

Trick or Treat - dahil dito ko sinubukan nagumawa ng isang entry isinama ko ng wagas ang mga piktiyur sa kwento.

Fruit Magic sa Milk - Ito ang pinaka-paborito kong entry na nuknukan ng kalokohan.

And Its about me - Dahil ito naman ang entry ko na talagang tungkol sa akin.

Himala - Una sa lahat di talaga ako Norian (para yan kay Archie na ubod ng kulet, blee). Kaya isa ito sa naging paborito ko ay dahil sa napataob nito ang Aliw sa Liliw dahil naungusan nito ang number of views ko dahil sa pinost ang entry ko na ito sa mga funpage ng mga Noranians sa pesbuk at nakikijamming sila sa pagcomment sa entry na yan hihihi.

Hanggang sa susunod na taon, sana ay madagdagan ang pasyente ko at maging mataba ang utak sa mga susunod pang entry... Teka wala nga pala akong utak kulet ko. Bili na nga ako sa Divisoria, Tyarot!

Ingat po sa mga magpapaputok, tandaan mahirap kantahin ang sampung mga daliri kung kulang kulang na ang mga daliri mo. Ang mga paputok na may pulbura po ang pinapaputok di po ang sariling amoy, ligo ligo din tayo Chareng! Mag-ingat din lalo na sa mga kasama sa inuman na malakas mang-asar dahil kung hindi kayo eh baka ang kainuman nyo ang puputok na labi dahil sa sapok, panget ang may kaaway sa simula ng taon.

Mula po sa pamunuan ng asylum na ito, ay masaya ko kayong binabati ng Propero AƱos Y Felicidad!!

P.S.

Bago ko po tapusin ang entry ko na ito ay nagpapasalamat po ako kay Olivr na bagong pasyente at kay Fiel-Kun at Lawrence na mga bagong mambabasa ng mga kemerut barurut ko sa asylum ko hihihi...

- Enjoy the celebration and God Bless -

Saturday, December 29, 2012

Bonggacheto ang ending

1:27pm (sok)

At dahil sa sugestment si Zaizai ay ito na nga ang ginamit kong Title ng entry na ito...

Nag-orgainze ang mga close fwends ko at ka-wave ko sa 247 ng isang simpleng meet up dahil its been 2 years na din simula ng huli kaming magkita kita.


 (ang mga gurl fwends ko sunod sunod simula sa left ko, Shane, Shey at Che)

(sila sila ulit kaso ako naman ang kumuha hihihi yung guy ay si Pareng Bryane)

Isang araw nanaman ng kainan at dagdag calories nanaman. Bago kami mag kita kita ay nagpa-hop deyt ako ng aplikeyshen ng aking eye tats. Nakakainis dahil sa di gumagana ang mga bagong apps dahil sa kelangan i upgreyd ito (Arline sana di ka nata-tounge twist habang binabasa mo ito tulad ng sabi mo sa chuweter hihihi)....

So eto na nga, umabot na ako ng dalawang oras na nakatayo at hinihintay matapos ang pagupdate ng mga apps sa itouch ko... Pakiramdam ko eh may tabos na nag kamote ang binti ko at tinubuan na ng lumot ang singit ng mga daliri ko sa paa kederder lungs. Naaatat na si Shey dahil sya ang naunang dumating sa Greenbelt dahil doon ang usapan namin na meeting place. Nasa parksquare ako ng magtext sya at tinatanong ako kung nasaan na ako ang sagot ko.... "Nasa puso mo 2nd floor, nagkakape..." tyarut lungs hehehe. Inip na inip na ako kaya maya maya ay nag vo-voicenote kami para icheck ang bawat isa at mag update na rin kung nasan ang ibang mga kameet namin.

Nagawa din naman ang apps ni Lueke (pangalan ng i-tats ko) kaya nga lang ay mga mga lower version ng apps kaya di rin nagwo-work haist, sayang pera. Pero kebs na lang kelangan ko na pumunta sa meeting place dahil mainit na ang ulo ko at medyo nag rerebelde na ang tyan ko. Kinakain na na ng small instenstin ko ang large instenstin ko may mali yata sa part ng digestive system ko hihihi.

Kasama na daw ni Shey si Che yun ang huli bbm na nabasa ko galing kay Shey nung bumili ako ng jamican pattie (gutom na talaga ako huhu) kinakain ko na talaga ito habang naglalakad dahil pakiramdam ko kung di ko sya kakainin habang naglalakad ay gugulapay na ako sa gutom...

Naabutan kong nagkakape na ang dalawa sa Starbucks, hiningi ko na ang booklet ni Shey dahil u-order na rin ako ng sa akin. Sinamahan na ako ni Shey dahil icclaim na nya ang planner nya kahit wala naman syang plano sa buhay. Matapos na dumating ni Bryane at ni Shane ay nag usap lang kami ng konte.. Naghiwalay kami ng maaga dahil may kanya kanya palang mga lakad ang lahat. Sabay na kami ni Shey naglakad pasakay sa  Ayala pero nahinto kami sa park ng 6750 Bldg dahil sa merong Banchetto...


 (meron din nito sa bancetto sa Cubao tulad ng last entry ko about sa Cubao Banchetto.


(Pero mas masarap ito.... magiging ganito ka kapag ngumiti ka, Inset nest picture please....)



(O diba? sige ngiti pa...)



(puro barbi-que ang mga naka hain dito hihihi)



(mga proceesed meat naman ang isang ito)



(cow's milk ice cream)



(ito naman Itallian ice cream)




(ito naman bb cream... Tyarot! di kasama ito..... mali ako ng pic na nalagay..)



(Hongtoroy ng multicab converted to Shawarma store di ba?)




(ito hashteg, grilled burger hongsorop...)



(Isa pa ito, chicken waffle hongtoroy din)



(Ito naman bus converted to mini-restuarant galing nya)

Di ko alam kung hanggang kailan itong bancetto na ito, dahil sa kabusugan kasi di nakami nakapagtanong ni Shey kung magtatagal ito. Dapat ay naka-schedule naman akong magyaya kila Erin sa banchetto sa Cubao pero pa-pass muna siguro. Sobra sobra na ang timbang na nadagdag sa akin. Di na kaya ng mga singkit kong mata ang makita ang mas lumolobo kong ab hihihi..

2 Araw na lang new year na bago matapos ang taon ay gagawa ako ng year end entry ko ehehehe.. Isa pa pala, papalapit ng papalapit ang PBO eksayted na ako...


- God Bless you guys -

Wednesday, December 26, 2012

Ang bisita galing kumbento...

5:58 pm (sok)

Yeast! its a gloomy and cold day dahil sa umuulan-ulan metro... pero kebs lang yan sa aming bisita na galing sa isang kumbento sa Cavite...

Taon taon ay binibigyan ang isang araw na bakasyon ang mga madre ang Jesus Good Shepherd at madalas ay natataon ito isang araw pagtapos ng Pasko. Ito din ang isang araw na madalas ay pinaghahandaan namin sa bahay dahil ito din ang araw na bibisita ang kapatid ko sa amin... Opo, may kapatid akong nun katulad ng sinabi ko noon sa entry kong And its about me..

At ito sya kasama si Paping na wala sa mood magpakuha ng piktiyur...


(di ba magkakahawig ang mata namin... "kung hei fat choi!")


Kahit busy sya sa mga gawain, pagtuturo sa school na pinamamahalaan ng kumbento nila at sa pagaaral nya (ang alam ko candidate sya sa Cum Laude ng deeper na course ng Theology ) eh nagawa nya pa ring tapusin ito on time para naman magkaroon ng dagdag na mga pang sabit sa dingding ng barong barong namin hihihi...


(nung unang tingin ko kala ko punggok yung paa nya hihihi)


Ang ninong naman ni ate ay nagpadala ng isang malaking sarili nyang litrato bilang souvenir noong nagpunta sya sa College of Cardinals sa Rome, Italy noong November.


(si Cardinal Luis Antonio Tagle ang ninong ni Ate)


(ang regalo ni ate sa akin hihihi)


(ang regalo nya naman sa amin, isang buong taon na guide sa lingguhang misa)

Bago ko po tapusin ang entry na ito ay magpapasalamat po muna sa sa mga sponsors, charut lungs.... Salamat po Lala ng Captured Realities para sa pic greet hihihi...


(thank you sooooooooooooooo muchhhhhhh!!!! hihihi)


At ang pinaka hot na pic greet sa funpage ng PBO.... salamat kay Pao Kun ng To infinity and beyond! Pangkalawakan! para sa ma-effort na pic na ito


(salamat sa paglagay mo ng nakakatawa kong pic... Apir!!!)


Almost 2 weeks na lang ay gaganapin na ang kauna-unahang outreach ng PBO. Sa lahat po ng nagsabi na tutulong at mag vo-volunteer... kita kits po tayo. 


- God Bless Everyone -

Tuesday, December 25, 2012

Simple Christmas..

9:36pm (sok)

Ilang oras na lang ay matatapos na ang abentesingko ng Disyember. Sa totoo lang eh ayoko pa matapos ang araw na ito dahil tinatamad pa ako pumasok bukas. May holiday jetlog pa ako meron ba nun?.

Maayos ay payak naman ang Christmas namin nila Paping at Bunso. Pinilit kong huling matulog ng 23 ng gabi dahil sa gusto kong masupresa ang 2 kinaumagahan. Kahit na nagkakaroon na ng sariling buhay ang mga mata ko dahil pumipikit na sila ng kusa at hinihila na sila ng gravity at pinilit kong maging gising. Sinisigawan ko ang sarili ko ng tahimik, nagjujumping jack ako sa isip ko, nagbu-bungee jumping ako ng nakaupo para lang maging gising... O di ba? Hirap pilitin ng sariling maging gising. Charut!

Nagtagumpay naman ako, kung dati ang Christmas tree namin ay nagso-solo ngayon ay mga ka-jamming na syang mga gifts. Ito ang peg nya....


(yung iba di na kinaya kasa nasa taas ng aparador namin nyahaha)


Dahil sa pare-pareho kaming naging biktima ng colds eh simple na lang ang niluto namin para sa noche buena at nagpadeliver na lang kami ng lunch dahil sa di masyadong maganda ang pakiramdam namin. At ang dinner at courtesy ng....


(Nag-Christmas bucket meal na lang kami sa KFC)


After naming magligpit ay naghanda na kami sa misa para sa pasko, Maganda ang sinabi ng pari during the mass kaya naman di ko napansin ang oras. Bago pa kami umuwi ay dumaan muna kasi sa convenient store para bumili ng pampu namin dahil bago ang Pasko ay handa na ang tatagayin namin.... kampay!!! hihihi.


Pagdating sa bahay ay binuksan ko lang ang laptop ako at sinimulan ko ng ang seremonyas ko...


(documented ang paghahalo ang iinumin ehehe)


Sa mga oras na ito din ay nagkaroon nanaman kami ng virtual inuman session sa tweeter with AnthonyPao KunArchieJonDMur at humabbol si Pinky

Ang tatagayin namin ay ito...




Malungkot si Archie kaya sa kanya ang unang tagay pero dahil wala sya sa mood ay nag pass sya at bilang natulog iniwan kami sa ere nyahahaha chars lungs.


(ang tagay ni archie na napunta kay JonDmur ahaha)


Dahil late dumating si Pao at ang dalang pulutan ay leche flan daw sya ang sumunod na tagay nyahahaha kulet lang namin :).

Maya maya lang ay nagkanda walaan ang mga nagiinuman kaya naman tunay na inuman an ang hinarap ko, si Paping at si Bunso.. Hinihintay talaga ni Bunso mag 12am dahil eksoyted sya sa regalo ko...


(Ang regalo ko kay Paping, Diko at kay Bunso)


Isang klase na lang ang binigay ko sa kanila para di na ako mahirapan mag isip at di na mag inggitan pa nyahahaha. Nung pumatak na ang 12 ng umaga kanya kanya na silang bukas ng regalo nila...




Sad ako wala man lang akong natanggap mula sa kanila huhuhu. Pero ok lang naman sa akin dahil sa naging sobrang saya ko naman nung nakita ko ang mga mukha nila na sobrang saya at excited sa nakuha nilang pamasko galing sa akin. Di mo nga sila makausap at maistorbo eh...


(naka-loptop na yan naka-BT headset pa)


(Nagse-senti pa si Paping)


Dahil sa di ko sila makausap eh idinaan ko na lang ang lahat sa kanin ng chicken sopas at siopao...


(3 lang kami sa bahay pero ang niluto ay pang 8 servings kamusta naman)


Bukas ay dadalaw naman ang kapatid kong Nun, yep bukas ay papayagan sila ng kumbento na dumalaw sa mga taong gusto nilang puntahan kaya naman stess sa preparation.


Bukod sa embutidong Batangas na o-orderin na lang namin eh magluluto si Paping ng Sweet and Sour na tilapya at ako naman ay ang version namin ng Estofado na recipe ni Mama...


(ito ang itsura nya bago ko ilagay ang huling mga sangkap at i-simmer  )


Sana ay naenjoy nyo ang Christmas nyo, ok lang na puro kain ang gawin tutal naman its the season to be chubby hihihi.

Good bless every one c",)...

P.S.

Anthony ito ang bagong avatar ko sa Dragon Nest... Unahan kita mag-post ng video game character nyahahaha...

(si Axzelle ang Mercenary ko. Kanina ko lang sya ginawa )

Sunday, December 23, 2012

Tenx mutts (part2)

6:38 pm (sok)

Yellow po sa hinyow!

Tulad po ng nasabi ko kay Archie, Pao, Anthony, Jondmur at Pinky ay may part 2 ang entry ko na ito para naman po sa mga tambay ng asylum ko na nakakakulitan ko maging sa chuwetter.

Henny waste, the greetings are the same. Iba lang ng itsura at ang ang language na ginamit para bumati... umiinternational lang ang pegs nyahahahha. Without further a due ito na sila....




 
(Para sa kauna-unahan, inidolo at sinubaybayan kong blogger simula noon til ngayon, Ito ang taga-tanggal ng yamot ko lalo na kapag tungkol sa trabaho... maraming salamat sa pagpapatawa Sir Mots.. You Rock!!)

(Para sa pinakaunang tao na nagbigay ng comment sa asylum ko hihihi)


(Para sa ka-alma mater ko na naging mga una kong kabondingan sa asylum at chuwetter kasama si Archie)

 (Para sa cool na cool na daddy na naging tambay din sa pahina ko, thanks mutts po...)

(Para sa isa sa madalas kong kakulitan sa bawat page na mapuntahan namin maging sa chuweeter, Salamat Parekoy!!!)

(Para sa pagkakulit na tao na walang habas kung mag comment sa page ko, nyahahaha... yung doodle ko wala pa huhuhu)

(Para sa taong kumuha ng attention ko dahil sa entry nya na online games na kasalukuyan po pa ding nilalaro nyahaha)


(Para sa taong may witty na pamangkin na kinaaliw ko hihihi)

(Para sa taong nagturo sa akin ng dereksyon papunta sa eat all you can resto ng korean na susubukan kong i-invade ehehehe)

 (Sa taong napakaseryoso ng mga post pero puno ng sense hihihi... ito na po ang request mo.. hapir!)

(Para sa tao na talented din sa paggawa ng doodle c",) joke lang yung sa fesbuk ni Pao Kun ha)

(Para sa hartistic gurl ng begyow Ziti hihihi)


Sana naman nagustuhan nyo kahit paano nagmamakaawa ako charet lungs! ang ginawa ko para sa inyo..


Bee tea dabol-you!!! nagkakatuwaan kami ni Bunso kanina at di ko alam na totohanan ang pagkuha nya ng video na ito.. Nagdadalawang isip ako na ipost ito pero sige na nga, tutal Pasko naman at katuwaan lang din naman kaya ipo-post ko na din... Sana po pagtapos nyo mapanood ang video ay makaharap pa ako sa inyo ng di nakayuko dahil sa hiya nyahahaha.. so ito na ang video ng mga mashed-up na kanta ang isang stand-up commediane na pinag mashed up mushed up ko rin hanggang sa maging Christmas song sya...

(pasensya medyo madilim, di namin binuksan ang ilaw sa sala)

Enjoy the holiday guys, God bless... huling araw ng simbang gabi ngayon at nakumpleto ko sya... Yebah!!!!

- It's my opinion lamang po -

Saturday, December 22, 2012

Tenx mutts!

10:05am (sok)


Yeast! 3 dies two ghost at crisp-mas na! (hilo ka ba? hihihi).

Alam kong nakapagpasalamat na ako, pero gusto ko pa rin ibahagi ito sa asylum ko. Marahil ay di lamang ako ang nakatanggap na ecard na ito galing kay Jondmur.


(hong kyot kyot nila hihihi)

Maraming selemets po Jon. Naaaliw ako sa raindeer at sa penguin na sumasayaw habang nagbabago ang caption nya.. Siguro ay katulad na lang ng kay Archie ang ibabahagi ko po sayo c",)


Dahil sa 2012 ang palabas sa stramovies kagabi at di ko masyado gusto ang kuma-catastrophic na palabas eh nag-try ako gumawa ng request ng demanding na si Archie charot lungs! ehehehe.


Ito na ang request mo Archie (hihihi ni-edit ko na po)...









Jon ito po ang sayo di na po piktiyur ko ang gamit ko kasi gusto ko po medyo kuma-cartoonic ang gagawin ko para sa iyo ehehehe. Thanks po uli sa ecard.









Tumatanggap din naman po ako ng mga in-kinds sa mga gusto po magbigay, evacuees? ahahaha opo nasa evacuation area ako ng mga puso nyo. Tyarose lungs!


Maaga pa para bumati pero ok lang dahil alam ko na ang iba ay maaaring di na makapag-check ng mga entry dahil magiging busy na rin tayo para sa preparasyon ng Christmas... kaya mula sa asylum ng baliw na si Rix ay binabati ko po ang lahat ng mga pasyente, tambay, nakikitambay, sumisilip at nakikiusi ng isang Masaya, Makabuluhan at Puno ng pagmamahal na........





 
Hendioy the Holiday gaiz! mwuah! mwuah!


P.S.

Bago ko po tapusin ang entry ko na ito ay nagpapasalamat po ako kay ms. JOY na ika-tatlongpong pasyente ko.. Kems lang po... Maraming salamat po uli ms. Joy ay nawa ay maging full of joy din po ang pagtambay nyo sa asylum ko hihihi..


                                                         ================================

Dahil sa kahilingan inupdate ko ang entry na ito...


- It's my opinion lamang po -