Sa Guimaras.. (Part 2)

Check-up Time: 5:57pm

Like OMG!!! As in I'm so tagal mag-update ng kwento da buh? Nyhahahaha. Pasensya naman sunod sunod kasi ang mga commitments na napangakuan... "Commitments?" Artista? hahahaha Charos lang naman po haha.

O sya ito na nga ang sunod na part ng Guimaras Rampage namin hehehe...

Nagpahinga na kami ng maaga after namin i-spot ni Erin ang beach dahil sa sinabi namin ng tutulong magikot sa amin sa buong Guimaras na si Kuya Gerald ay alas-nueve kami sunduin.

5:30 ng umaga (bisperas ng birthday ko) naalimpungatan ako ng malaman ko na nagliligo na ang mga kasama ko at nagpe-prepare na para mag agahan. So bangon na din ang baliw para mag-prepare. Bukod sa mga silog ulit na available sa resort resto doon na semi naging favorite nila eh, umorder sila ng manggo biscocho na ipinartner namin sa kape.  In fairness naman sa mga kasama ko adventurous talaga sa food kaya naman sarap kasama kasi kain lang kami ng kain. (lumobo nanaman tuloy ako).

Nagpahinga lang kami ng kaunti after kumain at naghanda na sa isang araw na paglilibot sa mga atraksyon sa isla.

Una kaming rumampa sa Guisi Light House. Ito ang pinakaluma ng light house sa isla. Sa totoo lang ang mga hagdan nito at nakakapit na lang sa pinakapundasyon ng tore, sa tuktok naman nito ay hindi ka na pwedeng tumuntong sa dulong part ng flatform otherwise sa bangin ka dadamputin pero hindi hadlang ito para umakyat kami at tignan ang nasa taas ng light house. Sobrang ganda ng tanawin ito yung tipo ng lugar na if gusto mo magemote eh perfect na perfect dahil sa pwede nitong mapakalma ang damdamain mo habang tinatanaw mo ang napakalinaw na tubig ng dagat na maaaninag mo ang coral reef sa bangin. Sobrang sarap sa pakiramdam, pansamantala nakalimutan ko ang stress na dulot ang city life.

Kapag nasa itaas ng ng tore yun nasa upper right na picture ang makikita mo

makikita mo ang coral reef sa ilalim ng malinaw na tubig

Sunod namin ginawa ay bumaba kami sa Guisi Beach at tunay na tunay nga na kung gaano kalinaw ang tubig sa taas ng watch tower eh ganun talaga sya kalinaw ng malapitan.

Sunod namin na pinuntahan Trappist Monastery. Take time na para magpasalamat dahil ilang oras na lang noon eh madadagdagan nanaman ang isang taon ang edad ko. After namin magdasal Basheng eh nagtirik kami ng kandila at pumunta sa isang monk, Sinabi namain na pareho kaming magse-celebrate ng birthday namin. Ipinagdasal kami ng monk na ito ☺. After nito run kami ng Trappist Pasalubong chever at bumili ng kaunting bagay bagay.

Sunod namin na pinuntahan ay ang Mango Plantation. Dinala kami ni kuya Gerald sa mga puno ng mangga na magse-celebrate na ng kanilang ika-isang sentenaryo lolz. Kung gabi ka na pupunta ka dun, scary ang lugar no kidding. Yung mga palabas na gubat ang setting sa mga haloween special ay susko medyo ganun ang setting doon ahaha pero semi lang nemen.

Bago kami mag desisyon na kumain eh dinala muna kami ni Kuya Gerald sa Guimaras  Museum at magikot ikot para naman madiscover more ang Guimaras.

After ng pag-discover ng Guimaras eh nagtungo muna kami sa Pasalubong Center na kaunting padyak lang sa lugar para tignan at bumili ng ibang mga products ng Guimaras...

Gusto ko sana bumili ng mango ketchup at sauce kaso 

lang baka mabasag ko ang bote sayang

Eh oras na ng kainan so run na kami ng The Grillers na tabi ng Pitstop. Sabi ni kuya Gerald isa yun sa dinadayo ng mga turista doon para tikman ang Mango Bulalo at Mango Pizza. Yung pizza talaga ang hinahabol ko dito pero kahit medyo parang di ko ma-imagine ang lasa ng mango bulalo eh go with the flow na lang ako. Ang mango bulalo ay good for four, nakakatawa ang lasa nya kasi yung bulalo eh may after taste ng manga at manamis namis ang sabaw nya. Kung gusto mo na ibang twist sa lasa ng bulalo you must try this. Ngayon ko pa lang nalasahan ang mango pizza, And yes its pizza pero alam mo yung mas masarap pa sya sa mango pie at nagbigay ng kakaibang twist ang lasa ng nuts na nasa ibabaw nya. Sabi ni Basheng may natikman na syang mago pizza kaso mango strips lang daw unlike sa sini-serve dito na hindi tinipid ang mango meat.

Nasabi ni Basheng na salubungin ko daw ang birthday ko kahit na uminom kami ng mini-mining alak so nung nakakita kami ng pamilihang bayan (ang mga market sa Guimaras ang nakakawindang kailangan mo pang bumyahe ng 15 minutes bago ka makakita ang pamilihang bayan na semi one stop shop) bumaba kami para bumili ng kauniting drinks at sila naman eh hindi alam na may kakaibang balak pala ahaha.

After namin magpunta ng market run na kami sa Camp Alfredo, akala namin ay magagawa namin na mag obstacle course sa camp kaso naabutan kami ng harsh na ulan, unfortunately, ayaw nila na payagan kami mag-obstacle course for safety reason so di na namin sya pinilit baka nga naman mapahamak kami. Syempre nagiingat nga lang naman sila so ang ending nag sight seeing lang kami sa Camp Alfredo.

After ng Camp alfredo eh nadaanan namin ang top view ng malawak na manggahan ng Guimaras at bilang hindi ata uso ang sasakyan doon napag trippan namin mag pakuha ng jumpshot sa lugar, para challenging jumpshot ito ng nakahiga. Charoz lang!!! ito po ang shot na yun.

After nito ay balik kami ng resort para naman makapaligo na kami sa beach. Ilang minuto pa at naratin na namin ang tinutuluyan namin. Nagpalit na kami ng mga panligo namin at before we know it nakaloblob na agad kami sa tubig... Seryoso agad agad yun. Chars lang ehehehe. Nag picture picture muna kami tapos naligo na.

Sinubukan ko magpakuha ng shoot na parang lumilipad ako medyo ok lang naman ang picture nya ehehe

Sa lahat ng picture ko, yung picture ko lang sa baba na sinusubukan kong lumipad ang nagustuhan ko ☺

Sorry sa facial expression nyhahaha

Sa susunod alam ko na ang gagawin ko at sana ma-perfect ko na ang flying shoot na yan hahaha.

Halos magaalas siete na kami natapos. After namin magbanlaw ay nagpasya na kami kumain at magpahinga. Humiram ako ng pitsel na may yelo kasi nga nagsabi sila na mag-celebrate daw kami kahit na pucho pucho lang na celebration so nagtimpla ako ng inumin pero kami lang ni Erin ang nag inuman dahil nakatulog na si Baseng at si Jen. Maaga pa kami natapos after namin iligpit ang kalat namin ay natulog na ako.

Kinaumagahan araw ng kaarawan ko kapraning ako sa supresa nila ahahaha. Hindi muna nila ako binigyan ng pagkakataon magsuklay at magtanggal ng muta.

Nakakatuwa lang ang effort nila dahil sa totoo lang hindi ka makakabili ang ready made na cake sa Guimaras ang ura-urada di tulad sa Manila. Dapat mag-order ka 2 days bago ang okasyon para magkaroon ka ng cake pero nagawan nila ito ng paraan at sobrang na touch ako. Tumambok lalo ang chuby kong heart ehehehe

Last day na namin sa Guimaras. Ang plano namin ay bumalik na ng Iloilo at magfoodtrip doon...

May karugtong pa... ehehehehe ☺

Be funny, so everyone is happy... Have a PsychoRix day!!!!

Sa Guimaras..

Check-up Time:12:05pm

Alam ko uber late na itong kwento ko about sa trip namin sa Guimaras but its ok pasensya ng malala.

Sa totoo lang kasi wala ako sa mood magsalitype lately idagdag mo pa ang mga nabura kong picture sa cellphone ko ng trip namin, that is so lalong nakakagalit ng very hard. Pero ito na, magkkwento na din ako.

So ito na nga.

Sabado ng October 18 and we are so excited and we just can't hide it na to ride the plane as in OKD in all that... (Arti) lolz. Maaga kami ng 1 hour sa airport papuntang Iloilo kaya slight kwentuhan muna kami ng mga gagawin, briefing sa mga ieexpect at kung ano ano pa. Finally tinawag na kami para sumakay ng plane at dahil sa ako ang mas maaga nag-book ng flight, nasa row 7 ako habang ang mga kasama ko ay nasa row 24 lolz..

3-ish ng hapon kami nakarating ng Iloilo pagdating doon ay naghanap na kami ng van na sasakyan paputang Jaro, dahil gusto namin na dumaan muna ng cathedral bago magtuloy ng port ng Guimaras. Medyo kabisado ko papunta ng daan papuntang port going to Guimaras simula doon. So pagdating namin ng Cathedral ng Jaro pray muna kami ng very slight lang ang nakakatawa hindi namin pinagpray ang smooth trip namin sa bangka going to Guimaras lolz.

Jaro Cathedral

Yung nasa left photo ay bell tower yan ay nasa tapat ng Cathedral ng Jaro

Dahil sa namili ang mga kasama ko ng 40 pesos per kilo ng lanzones at 80 pesos na inihaw na mais na tig-10 piso ang isa, naabutan kami ng very fierce na ulan pero parang walang nagyari kasi more ngasab kami at di alintana ang ulan kahit na mga basang sisiw kami.

Para kaming nalugi lolz

Pagdating namin ng port ng Jordan, Guimaras akala naman namin eh very well ang weather eh yun pala ang akala namin. Dahil parang kanta lang sya ni Gary V., Nawawala, bumabalik heto nanaman. Pero kebs lang naman. Masasabi ko na 3 lang ang means of transportation nila sa isla. Ang multicab o jeep, tricycle na mas common pa sa multicab at ang private vehicle.

Inabot ng almost 45 minutes ang byahe namin simula port hanggang Reyman's Resort kung saan kami maglalagi sa mga susunod na araw. Sobrang luwag ng kalsada talagang araw araw ginagamit. Chars lang! What I mean is kakaunti pa lang ang may sasakyan sa lugar. Dito nga masarap mag-maneho dahil wala kang kalaban sa kalye at hindi mahirap mag maneobra. Sa buong 45 minutes na byahe eh parang 5 multicab lang ang nakita ko at mangilan-ngilan na pribadong sasakyan.

Sobrang sarap ng simoy ng hangin sa isla, lasang malinamnam na cake. Charos lang! Pero seryoso sobrang napakagaan sa pakiramdam na malanghap ang simoy ng hangin doon dahil hindi polluted ang hangin. Malalanghap ang amoy ng sariwang damo, amoy ng dahon ng palay, mga dahon ng puno at ang amoy ng tubig dagat ganyan.

Ilang minuto na lang mag-a-alas 5 na ng hapon. Inayos na namin ang gamit namin habang ang ibang kasama namin ay nag pahinga. Lumabas kami ni Erin ng kwarto namin matapos magayos ng gamit at tinignan ang dalampasigan ng beach.

Sya muna ang bida next time na ako lolz

Like napanganga kami as in sayad lupa ang baba, syempre keme lang yun. Ang ganda ng place naka make up hihihi. Sige na nga wala ng echos, ang ganda ng place kasi from the shore matatanaw mo ang ibang isla na kasama sa mga pwedeng puntahan kung i-a-avail mo ang island hoping nila.

Yan ang mga island na pupuntahan kung i-a-avail ang Island Tour ng Reyman's Resort

Alam mo yung biglang pinatugtog ang kantang "RUDE" ng magic (na until now ay naLSS pa rin ako) at sa saliw ng kanta ang sarap umindak indak sa tabing dagat, ganyan habang may hawak kaming serbesa tapos biglang punch line ng "Kanina ka pa dito?" Sheret leng!!!! Wala kaming ginawa ni Erin kundi umispot ng mga magagandang view. Yung tinitignan namin yung mga naliligo na patok sa panlasa namin, kems lang. Syempre yung nature kaya ang inaapreciate namin (labas sa ilong, lolz).

Henny waste high waste so ito na nga, nung nag pasya na kami mag-dinner kanya kanya kaming isip kung ano ang kakainin namin pero habang ang kanila ay mga silogs ako naman ay sandwich lang pero sa isang bagay kami nag kasundo gusto daw nila ang may sabaw so bilang ang Mama ko ay Ilongga alam ko na masarap ang authentic na molo soup ng Iloilo so ending yun ang pinaghatihatian namin isang malaking bowl na para sa akin ay good for 6 pero its only 90 pesos may kasama pang pagmamahal... Charos lang! ahaha.

Ang Molo soup ng mga Ilonggo

Susundan... (Lakas maka-komiks lolz).


Henny waist again, if bet nyo mag-foodtrip try nyo dito...  The Rixcovery

Be funny, so everyone is happy... Have a PsychoRix day!!!!

Sa Coffee Shop

Check-up Time: 7:50am

Isang kaibigan na matagal nang hindi nagparamdam ang biglang nagyaya na magkita sa isang sikat na coffee shop. Dahil sa hindi naman ganun ka dami ang gagawin ko sa araw na gusto nya ay pumayag ako makipag kita.

Dahil sa likas na maaga sa mga usapan, nauna na akong umorder ng kape at umupo sa lugar na hindi masyadong pansinin ng mga tao. Ilang minuto pa ang nagdaan at dumating na din sya. Sinenyasan nya ako ng o-order muna sya ng kape at tumango lang ako. Pagtapos makuha ang kape nya ay nagtungo na sya pwesto na napili ko.

Ako: O kamusta na? Nakisabay ka sa araw ng mga patay ha, nagparamdam ka.

Friend: Tadu ka talaga. Wala lang na miss kita kausap.

Ako: Weh? Talaga? Parang hindi naman. Naguusap naman tayo sa FB at sa text ah.

Friend: Iba pa rin yung personal.

Ako: Hindi ako naniniwala. Kilala kita. Hindi ka makikipag-kita at makikipag-usap ng personal nga basta basta. Kilala kita simula roots ng buhok mo hanggang ingrown mo. May problema ka noh?

Friend: Hahaha baliw ka.

Ako: Aminado ako na baliw ako at hindi mo na ako kailangan i-remind.

Friend: (tahimik)

Ako: (binasag ang katahimikan) Sya noh? May problema kayo... Ano nanaman ginawa mo?

Friend: Hindi ko kasi sya maintindihan. Ayaw ko kasi sa ibang ginagawa nya. Sinabi ko sa kanya pero nagalit sya.

Ako: Teka, kapag ba sinasabi mo sa kanya kung bakit ayaw mo sa ibang ginagawa nya eh ini-explain mo kung bakit hindi mo gusto yun?

Friend: Hindi na, kasi ayaw ko ng away.

Ako: Ayaw mo ng away pero ano ang nagyayari? Alam mo, kung magka-partner kayo dapat ay open kayo sa mga ikinagagalit, ikinatatampo, hindi nyo gusto. Kasi paano iiwas ang isa sa inyo na gawin ang mga bagay na ayaw nyo paguusapan.

Friend: eh kasi ang pangit ng ginagawa nya.

Ako: Alam mo para sa akin kasabay ng pagmamahal mo sa mga magagandang bagay sa kanya eh dapat mahalin mo ang mga pangit na bagay sa kanya at mga kapintasan nya. Kung gaano sya kalakas kumain, kung gaano sya kalakas humilik, kung may alipunga sya, kung mabaho ang utot nya kasi sya ang gusto mong mahalin eh. Hindi sa magandang aspeto mo lang mamahalin ang tao lalo na at gusto mo sya makasama sa buhay. Kung talagang mahal mo sya, mahalin mo sya ng buong pagkatao nya at dapat ganun din sya sayo.

Friend: Haizt! Salamat ha.

Ako: Saan?

Friend: Sa pakikinig at pagbibigay ng payo.

Ako: Sira ulo, akala mo libre ito... May bayad ito.. Kailangan mo punuin ang sticker ng side ng booklet na ito gusto ko ng planner.

Friend: Grabe ka naman!!!!

Panahon na naman ng pagkumpleto ng mga sticker para makakuha ng planner. For sure ang mga parokyano nag sisimula ng magkumpleto. Good luck!

*** Based on a true story ***

Higit sa planner ang mas gusto ko ay kahit saan sa dalawang ceramic mug na nasa baba, Gusto ko na kasi palitan ang ceramic mug ko sa office.

Isusulat ko na lang ito sa wish list ko dahil sa mukhang forever wish na lang sya hihihi... ☺

Be funny, so everyone is happy... Have a PsychoRix day!!!!