Unan...

Check-up Time: 12:55am

Sa tuwing kailangan ko ng kasama at karamay,
hindi mo ipinagkait ang kabutihan mong taglay.
Sa tuwing lahat ng hinanakit ko ay sinisigaw,
iyong pinipigilan na ito ay umalingaw-ngaw.

Mainit man o malamig ang panahon,
lagi kang nandyan galit man ako o mahinahon.
Sa bawat sekretong sayo ay aking ibinulalas,
nanatili itong sekreto, sekreto na hanggang wakas.

Kapag ikaw ay aking yakap,
nadarama ko ay kapayapaan.
Kapag katabi ka sa paghiga,
nadarama ko ang katahimikan.

Lungkot ko at luha iyong pinapawi,
sayo ang nararamdaman ko ay hindi kinukubli.
Sa panahong ang lahat ay di ako naiintindihan,
ikaw lamang ang nagtiyaga na ako ay pakinggan.

Masayang mundo sabay nating nililikha,
magagandang alaala ang naiiwan sa aking gunita.
salamat sa bawat pagdamay mo kaibigan,
lagi kang nandyan at aking naaasahan.

☺☺☺☺☺☺

Gustohin ko mang yakapin pa ng matagal ang unan ko ay di pwede, kailangan kong pumunta sa hospital sa Paranaque para ipatingin ang mata ko na tumataas na ang grado. Buti pa ang grado ng mata ko tumataas ang height ko hindi.... Packing tape na buhay ito :D

Gusto ko po na pasalamatan ang mga patuloy na sumusuporta sa kalokohan ni Maestro nyahahaha...

Jondmur - Kaibigan pasensya na di ko pa rin natatapos yung hinihingi mo, Ethnic ang eskedyul ng tarabho ahaha kadalasan kopi breyk at lants ko lang nagagawang mag basa at magcoments sa blog..

Bago ko po tapusin ang entry na ito ay nais ko po na pasalamatan din si Marge ng Coffeehan, Piso Fashion at Love Letters From Midori, sa pag sunod sa walang kapararakan, walang kabuhay buhay, at walang kasusta-sustansyang page ko ahahahaha. Maraming salamat po... Bigyan si Marge ng Jacket at CD nyahahaha. Diyok lang Marge ka baka singilin mo talaga ako ahahahaha.

Tandaan, sa panahon ng kalungkutan: Pa-check up ka sa adik para lumabas ang saltik... God Bless!