Halo-Halosineyshen

Check-up Time: 5:24am

Sa katahimikan ng aking mahimbing na pagkakatulog ay binulabog ako ng alarm ng aking ketai. Parang wala ng bukas at susunod pang mga bukas kung mag alam ang salbaheng ketai na ito. Kahit na ubod pa ng kupad iproseso ng kakarampot kung utak na kailangan ko ng bumangon para pumunta sa usapan namin ng mga kaibigan ko ay pinilit kong kaladkarin ang sarili ko sa banyo para maligo na..

Walang bakas ng pagmamadali. Sinigawan ako ng orasan dahilan para ako ay lumingon sa kanyang dereksyon...

Hello 4:20pm! Ang usapan naming magkakaibigan ay 5pm. Ang tanging nagagawa ko pa lang ay mag gayak ng aking kasuotan. Rush rush ako sa pagkilos. Nagsusuot na ako ng pang yapak ng maramdaman ko ang nagsusumiklab na galit ng mga organismo sa aking napaka-petite na sikmura. Doon ko na alala na wala pala akong dineposito dito bago nakawin ng mundo ng panaginip ang aking ulirat.

Run-away-bride ako sa pridyider. hinahabol ko ang amoy tocino ko pang hininga (tocino ang kinain ko kagabi) ng mahawakan ko ang bukasan nito kahit na 10-hakbang lang ang layo sa pinanggalingan ko aming balingkinitang pridyider.

Puno ng masayang buhay kong binuksan ang nasa harap ko dahil sa pag-asa na may bagay na magliligtas sa akin sa mala-2012 na rebolusyon ng aking kyut na kyut na tummy pero....

Wala......

Walang himala!!!!! nasa utak ko lang ang himala....

Naramdaman ko ang pamamasa ng aking mga mata... Lumayo ako sa bagay na nasa tapat ko habang  dumadayalog ng...

"Inaasahan ko na iintindihin mo ako... pero bakit mo ako hinayaan..Hinayaan mo akong maramdaman ang sakit na ito.... ANG SAKIT!!!!! "

Napasandal ako sa konretong pader at dahan dahan na dumadaos-dos pababa habang pumapatak ang 2 luha sa napa-chinky kong right eye..

Bago pa tuluyang naubos ang libag ko sa braso sanhi ng pagdaos-dos ko sa pader ay napatingin ako sa lamesa at may napansin kong bagay...

May ngiti sa kanya, kumakaway sya at ako ay inanyayahan nya...

Mabilis ko syang nilapitan at ng akin siyang hawakan ay biglang nawala ang ilaw sa aking paligid.... ay wait lang, meron palang natira... spotlight na nakatutok sa akin...

Ngumiti ako habang naramdaman ko ang napaka breezzy na hangin na dumampi sa aking pagkatambok tambok na mukha at winave wave nya pa ang hair ko..

Suspense ang sumunod na eksena...

Tumakbo ako sa water dispenser habang dala ang aking peyborit white mug.... nagmamadali ako na nilalagyan ng mainit na tubig..

"Bilisssss, bilisan moooooo....." samo ko habang nangangatog ang buong katawan ko sa pagmamadali... halos humiwalay ang puso ko sa katawan ko sa sobrang bilis ng pintig nya...

Walang ano ano ay bigla ko na lang kinagat ang nakita ko kanina... napilas ang dala ko. Buong pwersa ko itinaob ang dala ko sa mug na hawak ko.. naiiyak akong humanap ng kutsara at nagmamadali hinalo ang dala ko na parang kung di ko sya magagawa agad agad ay bigla na lang may lalabas na bakulaw sa eksena ay tatadtarin nya ng pinong pino ang napaka-kyut at napaka-petite kong katawan..

So ayun na nga... natapos ko na syang itimpla... Matapos nun ay itinas ko ang mug ko at may narinig ako from somewhere na may isang melodious na voice na may sobrang taas na pitch na umawit ng...

Haleluya!!!!

....Ang haba ng kwento ko eh ang nangyari lang naman eh nag timpla ako nito.....

Huwag hayaang maging hibang sa gutom... mag-Energen Go-Fruit na, ang instant oat drink na may real fruits na sagot sa mini-mining gutom...

Also available Enegen Vanilla, Energen Choco, at Energen Munggo..

                                                     *************************

Sinapian nanaman po ako ng saltik ko kaya naman nagawa ko nanaman itong entry na ito..

Naglalakad lang ako sa grocery at nakita ko ang bagong variants ng energen kaya bumili ako at tinikman maayos naman ang lasa nya at nakabusog din naman sa mini mining gutom... kaya itry mo na din ahahaha...

Tandaan, sa panahon ng kalungkutan: Pa-check up ka sa adik para lumabas ang saltik... God Bless!