ito ang tunay na halo halo...

Check-up Time: 11:57am

Kamusta na mga tambay sa asylum ko.... Halo-halo ang emosyon ng post na ito... Kaya sisimulan ko na po...

-------------------------------------------------------------------------------------------

Sagarin mo pahhhhhhhhhhhh....

Oo nag desisyon na ako na tigilan ito... Ayaw ko ng gawin pa dahil sa parang ang sama ko sa mata ng mga kasama ko...

Subalit ano ba ang magagawa ko? Dumating ang panahon na naging desperado ako... Oo pinipigilan ko ang sarili ko na gawin ang bagay na akala ko ay hindi ko na gagawin pero malakas ang pagtawag mo sa akin... Ang panunukso mo. Wala akong nagawa kundi ang sundan ang tawag mo... Para akong isang puppet, isang laruan na walang buhay na tanging nagawa ay gumalaw ayun sa kagustuhan mo....

Unti unti akong lumapit sayo... Hinawakan ko ang katawan mo. Sinisigaw ng isip ko na huwag itong gawin pero naging mahina ako.. Hindi ko pa rin napigilan ang sarili ko na hawakan ang kabuoan mo. Naging mapangahas ang mga kamay ko ng hawakan at salatin ka. Hindi ko na pigil na pindutin ang ibang parte mo.. hanggang sa dumating na ang oras para subukan ko na tikman ka...

Hindi ko alam kung ano ang gagawin ko pero nanaaig ang kagustuhan ko na gawin ito... mapangahas ako habang tinatalupan kita at sabik na tikman ang matamis mong lasa. Hindi ko kayang itago ang pananabik ko. Para kang isang masarap na putahe sa hapag at ako naman ay gutom na gutom na at gustong gusto na kitang lantakan..

Hindi ako nagkamali... ubod ka ng tamis, bawat subo ko ay ibayong saya ang naramdaman ko... Bawat subo ko ay mas lalo akong nananabik sa  iyo... haggang sa huli ay higupin ko ang likido mo.

Iba ka.... ang sarap sarap mo.....

Dahil sa iyo nabawasan ako ng timbang ng 3 kilo lalo pa at sinasabay kita sa balik alindog program ko...

Akala nyo kung ano na noh?

It is not what you think....

but I love the way your thinking... Charot!!!

Opo eh tinopak po ako.... ayan ang resulta...

Mga halos the same na post, baka lang bet nyo tignan... lolz...

Halo-Halosineyshen

Fruit Magic sa Milk!!!

-------------------------------------------------------------------------------------------


Listahan ng mga litanya...

-------------------------------------------------------------------------------------------



Kaarawan ni Mama

Kaarawan ng mahal kong Ina noong October 5. Kahit na nasa heaven na sya eh inefortan namin na icelebrate ang birthday nya gaya ng napag-usapan namin ng family ko...

Nagluto ako ng Pasta Italliana na request ni Bunso, Nag litson din sila ng Manok... simple lang ang niluto namin pero busog na busog naman ako...

-----------------------------------------------------------------------------------------


Pakikiramay...

Nagulat ako sa bilis ng pangyayari nung nagkwento si Bunso sa akin... ANg dati naming kasamahan sa compound kung saan kami nakatira sa Makati ay pumanaw na...

Nabangga sya ng isang sasakyan habang nagbi-bisekleta kahit na mahina lang ang nagyaring pagbangga ay naging kritikal at delikado ang lagay nya dahil sa nabagok ang ulo nito sa gutter ng kalye.

Sinabi ng mga dokcor sa OsMak na kailangan nila maghanda ng 500K para sa operasyon pero hindi nito ginagarantiya na magiging maayos ang kalagayan ng pasyente... Hindi naman iniwan ng nakabundol ang pamilya ng pasyente..

Ikinagulat ko ang binulalas nila sa akin ng gabi ng sabihin nila na alas dose ng tanghali kahapon na bumigay na ang katawan nito ay sumakabilang buhay na...

Bukas ay pupunta kami sa kanila upang makiramay...

Isa ito sa mga bagay na nagpabigat ng kalooban ko nitong linggo....

Tandaan, sa panahon ng kalungkutan: Pa-check up ka sa adik para lumabas ang saltik.

God Bless!