Thursday, November 7, 2013

Iloilo: Ang lakwatsa at food trip

Check-up Time: 8:12pm

Hello mga Kapamilya, Kapuso, Kabarkada, Ka-que, Kaibigan, Kaututang-dila, Kamaganak, Kapatid sa pananampalataya, Karelyebo, at Kachokaran...


Ako nga po ito wala ng iba pa, wala ng sasarap pa sa century tuna... anong konek? Paki-explain po, love you! Ewan ko din yun na lang ang nasalitype ko eh... pabayaan nyo na page ko naman ito... chars...


Nairaos namin ng maayos ang kasal ng kapatid ko, excited na ako makita ang video at picture galing sa nirentahan nilang photo at videographer... Unang beses ko maging isang bestman, I did my best naman kaya I think its good enough lolz.

Kuha sa ere noong papunta kami ni Bunso sa Iloilo.
ang cute ng mga clouds sa ilalim ng eroplano no? sarap mag palundaglundag...


dapat ba ang groom lang ang may moment? bakit ba? lolz


Sa chrew lungs, nung nakita ko ng naglalakad si Diko at ang kanyang mapapangasawa eh biglang may kumurot sa dibdib ko at na pa "ouch" ako ng medyo harsh... charus! Seryoso, medyo nakaramdam ako ng paginit ng muka ay may nangilid na luha sa kanang mata ko, di ko na pigil at tuluyan ng pumatak ito.... ganun po ang nangyari ate Charo... Charot! Seryoso na talaga. Medyo nakaramdam ako ng panghihinayang at kalungkutan. Panghihinayang dahil hindi namin kasama si Mama sa isang espisyal na event sa pamilya namin at malungkot dahil hindi nya masasaksihan na lalagay na sa magulong buhay ng pagaasawa si Diko namin.

sweet sweetan di ba?

ang kwadro de jack lolz

Nung hiningi na ang message ng mga magulang para sa bagong kasal ay ako ang nag salita in behalf of my Mother na nasa langit na... Madalas nya kasi sinasabi sa akin kapag nagkakape kami at napaguusapan ang love life ni Diko, sinasabi nya na "Kung sino ang pipiliin ng anak ko na mahalin, mamahalin ko din. Sya (ang wife nya ngayon) ang pinili ni Diko kaya hindi ako tututol at dapat na mahalin ko sya kasi sya ang mahal ng anak ko". Nung sinabi ko yun ay medyo naiyak ang sister-in-law ko na sa narining nya.


Nakasurvive ako sa kasal na iyon kahit na masama  pa ang pakiramdam ko dahil sa may colds pa ako ay may cough ahahaha.


Kinabukasan after ng kasal, rampage na ako, si Papa, at Bunso sa Boracay. Hindi namin kasama si Diko at ang wife nya dahil sa Guimaras Island sila nagpunta. Bago kami nag-Bora ay dumaan muna kami ng Sampaguita Gardens/Christmas Village kung saan 365 days na Christmas. Pagpasok pa lang namin ay gina-guide na kami ng mga cute angels na ito kung saan kami dadaan. nagpakuha kami ng mga pics sa mga cute na mga statue na ito. Hindi pa ayos ang merry-go-round at ang mini train na ito kaya pinabayaan na muna namin. Matapos noon at sa tapat naman ng palasyo na ito kami ng gulo..



Artihan mo yang bunso..


parang bata lang ahahaha

Palimot po..


inaayos pa ang merry-go-round at ang train

Sino may sabi na si Maito Guy lang ang pwede mag summon ng Pagong, Ako din kaya Lolz...


Sa loob ay nag kape kami dahil sa bus ay puro tulog ang ginawa namin. Inisip namin na kailangan na magising ang mga inaantok naming katawang lupa. Habang hinihintay ang aming kape ay kinuhaan namin ng litrato ang mga manika na kanilang ginawa, ginagawa at kanila ding binebenta sa publiko, ang Precious Moments Dolls.




special series ng precious moment dolls ito section na ito



Matapos namin magkape kami ay nagtungo sa likod na parte para naman tignan ang resort ng lugar. Nakaktuwa ang lugar dahil may bar din ito, may function room at seminar room.




Sinabihan kami ng isang staff na pwede kami pumunta sa garden sa likod nun. Pwede daw namin sakyan at lapitan ang mga statue na makikita namin doon para mag papicture at nandun din daw ang Mansion Museum ng may ari ng buong lugar. Dali-dali kaming nag tungo doon upang makita ang lugar at wala kaming sinayang na sandali nagpakuha kami ng litrato sa mga lugar na pwede pagkuhaan.


Gusto kong mangaso doon, Paquito ilabas ang mga aso madali!!!!!!

nga iipon ng chakra tinutulungan ako ng mga elepante lolz


sabi nila muka daw akong ganito... lolz


Matapos noon ay nagtungo naman kami sa Mansion para naman tignan kung ano ang meron sa loob. Doon namin nakita ang collection ng may ari ng lugar na si Mr. Sam Butcher. Si Mr. Sam ay tumira sa Asia at na humaling sa kulturang Asyano. Nagkaroon sya ng kaibigan na tag-Iloilo kung hindi ako nagkakamali sa pag kakawento, ito ay si Jojo. Hindi ko sure ang chismis na nasagap ko... Si kuya Jojo ata ay nagkaroon ng bahay na parang castle ang then dito nagkaroon ng idea ang mag kaibigan na gawin ang Chistmas cottage at ipinangalan sa kanya. Again, hindi ko po sure ito... ito ay base sa pagkakaintindi ko sa kwento sa amin hihihi...


akala mo naman marunong mag piano charut!

mga wall decors

Chinese table

parang lalagyan lang ng ostia

pinangarap ko mag karoon ng ganitong kama pero ngayon hindi na...

dinning area

2 ang piano sa mansion ito yung isa.

collection ng mga Chinese dolls
ang cute ng painting na ito may 3d effect sya
ang vase na ito ay galing sa Thailand... natakot ako kasi baka may sigbin... charut!
collection ng books
mga gamit  galing sa Thailand
sa receiving area naman makikita ang collection na ito
ang entrance
ang uber laking chandelier
Ang lahat ng mga collection ni Mr. Sam ay naiwan sa kanyang mansion. Mga figurine, mga gamit sa bahay, mga libro, mga malalaking banga, doll collections, piano, mga paintings, budah at iba pa. Pero may isang bagay sa kanyang collection ang talagang namangha ako..  sa 300 years old na opium bed. Sabi ng nag tour sa amin ang opium bed na ito ay nakuha nya sa isang auction.

astig nito promise
Dito daw madalas tumambay ang mga to-tropa na mga instik noon para suminghot ng opium at mag pachill chill ganyan.. Ang antigong gamit na ito ay medyo may mga tama na dahil na rin sa tagal ng panahon paborito na rin itong papakin ng mga anay kaya naman kitang kita sa taas na parte nito ang mga bakas ng kanilang pagpaparty. After nito ay pinuntahan namin ang chapel sa loob ng resort na ito...

entrance
sa wall na ito ay nabuo ang prayer na Our Father
eto naman ay kuha sa mga verse sa bible
sobrang natuwa ako sa message na ito ni Mr. Butcher.

Yung chrew lang nakakatuwa ang place na ito dahil sa napaka bait at accomodating ng mga staff nila yung tipong hindi ka pa nagsasalita ay sinabi na nila sayo kung ano ang mga dapat mong makita o i-expect sa lugar na tinuturo nila kaya naman hindi ka magmumukang nawawala o hindi alam ang ginagawa. Sobra ang aliw ko dito kaya naman nailagay ko sa visitor's log book nila na "this place brings back the child in me" kasi naman ganun talaga ang mararamdaman mo sa place. I will recomend you to visit the place kung mapapadpad kayo sa Kalibo, Aklan.


After namin magpack-up at umalis sa SGR ay nagtungo na kami sa terminal ng van papuntang port nga Caticlan. Akala namin ni bunso ilang utot lang eh nasa port na kami eh naborlog pa kaming 3 sa van ng higit isang oras nung maalimpungatan ako eh nakikita ko na ang seashore, indikasyon na malapit na kami sa port papuntang Boracay.


Matapos bayaran ang mga dapat bayaran ay sumakay na din kami sa pumpboat papuntang Boracay. Mainit ang sikat ng araw pero hindi gaanong mararamdaman ng balat mo dahil sa malakas din ang ihip ng hanging amihan kaya naman casual lang kami.








Pagdating namin sa Boracay ay humanap na kami ng tricycle na maghahatid sa amin papunta ng resort kaso hindi pala kaya ni koya na ihatid kami mismo sa hotel kasi naman sadyain ang place. Sa station 3 kami sa Bora, kahit na malayo kami sa lugar kung saan nandoon ang party eh parang favor sa amin dahil kasama namin si Paping na kailangan ng tahimik na lugar kapag matutulog.
  

sinisipat ang lugar na pupuntahan lolz

at talagang nag effort ako, nakigawa sa mga tao sa dalampasigan ahahaha

Sa hotel na ito kami tumuloy

kahit luma na ay well maintained naman ang lugar

at sobrang mura pa ng accomodation nila, Salamat Orchids Resort... Hopefully, see you next year..
finally naramdaman na ang panget kong paa ang tubig sa bora ahahaha

dahil sa damit ni Paping eh napagkamalan pa kami ng aleman na ito na taga Thailand..
water bending lolz
magselfie daw part 1
magselfie daw part 2 nyahahaha
baywatch kuno nyahahaha
Hindi naman namin pansin na malayo ang station 1 kapag naglalakad kami dahil aliw na aliw kami sa mga napapansin at nakakasalubong namin habang naglalakad. Picture na lang po ang magpapakita ang mga kakulitan namin sa Bora.
















Nagawa naman namin ang mga activities doon pero hindi ko pinagtuonan ng pansin iyon dahil ang sobrang naenjoy ko ay ang night life namin sa Bora... Bakit? Kasama namin si Paping eh... Kung nung una eh sila ni Mama ang katagayan namin sa bahay kapag trip namin mag-inuman ngayon eh kasama namin si Paping na gumimik sa Bora. Pihado kung kasama pa namin si Mama ka-join force namin sya na tumagay tagay sa tabing dagat. Natatawa lang akong isipin na kasama namin sa table si Papa habang gumigimik kasi hindi naman namin nagagawa sa Manila ito kaya sobrang inenjoy ko ang moment na iyon.


sa bar na ito kami tumagay tagay.. sa harap nito ay tabing dagat na may chairs and tables..





Matapos namin tumagay ay nakuha pa namin na magkape nyahahahaha.



Sobrang naenjoy ko talaga ang bonding naming tatlo sa isla ng Boracay...


stolen sana pero aware si Paping ahahaha


inefortan ko ang picture na ito at ito ang pinakagusto kong picture naming tatlo

Ang balak ko pagbalik ko ng Iloilo ay makakapag Guimaras Island pa ako kaso naalala ko na hindi ko pala naisama sa budget ito kaya windang ako... So ito na ang huling hirit ko sa Iloilo...... Food trip.


Umuwi na si Paping at Bunso ng October 28 dahil sa mga aasikasuhin nila habang ako naman ay sa October 29 pa ang uwi kaya naman ako ang kasama ni Diko at ng wife nya mag food trip.


Hindi kompleto ang pagbisita mo sa Iloilo kung hindi mo matitikman ang kanilang bachoy kaya naman kimumpara ko ang bachoy ng Teds at ng Deco's Original La Paz Bachoy. 


Sa aming 3 (ako, Diko at ang wife nya) ako lang ang may rating na 8 out of 10 para sa Deco's lahat sila 10 ang score. Hindi ko alam sa panlasa ko kasi eh medyo matabang sya although sagana sa sahod ang bachoy ng Deco's at pwede ka pang humingi ng sabaw with no extra charge. Isa lang naman ang babae sa amin pero kung makahingi kami ng sabaw eh para kaming nag papasuso ng sangol lolz. Nangangamatay na kami sa kahihigop ng sabaw ng bachoy pero parang ayaw namin na kainin ang sahog ahaha patagalan kami ng kain. May 3 size ang Bachoy ng Deco's ang pinakamalaki nila ay good for 2 na kung medyo balingkinitan ang mga sikmura nyo lolz.



Kahit may Teds dito sa Manila ay kailangan kong kumain ng bachoy sa Iloilo para lang talagang -masabing masiba ako mai-compare ko ang lasa ng dalawang sikat na bachoy-an sa Iloilo. Swak sa panlasa ko ang Teds kasi medyo maalat ang timpla nila. Ewan ko lang, siguro nasanay ako sa lasa ng mga bachoy sa Bacolod na medyo maalat kaya naman mas swak ang lasa ng Teds sa akin. Kagaya ng Deco's 3 din ang size ng bachoy nila ang hindi ko lang sure eh kung pwede ka magpadagdag ng sabaw sa kanila. Ang teds ay nag-o-offer na din ng mga mga dessert na sobrang mouth-watering. Isa din sa mga must try sa Iloilo.






Napaguusapan na rin lang ang malalaki.. (i love malaki lolz) eh sumunod ko namang sinubukan ay ang Perri Todd's na malapit sa Jaro Plaza. Pagkaupo namin sa table na napili namin eh nagisip na agad kami ng burger na oorderin. ang naging order namin ay chessy mushroom burger, linguine meatballs pasta at isang tower of ice tea. Unang sinerve sa amin ang pasta ito ang pinagsaluhan namin. Isa sa fave ko na food ay pasta at so far ay pasado ang pasta na inorder namin. Very crispy ang outer layer ng meatballs nila halatang niluto sa deep fryer dahilan para magkaroon ng twist ng pasta dahil sa normally sa ganitong dish eh madalas na hindi ganun ka tigas ang outer layer ng meatballs. Siksik na siksik at malasang malasa ang meatballs na iyon idagdag mo pa ang lasa ng tomato based sauce ng pasta, ay naku grabe ang sarap nya. Ilang minuto pa ang lumipas dumating na ang main course... ten ten tenen!!!!!! nangamatay ako sa jumberger na ito. Seryoso ang hirap nya ubusin kahit na 3 kaming bumabanat sa jumberger na ito. Nung matapos namin upakan ang jumberjer Takbo naman kami sa city proper para tikman ang Iloilo's biggest siopao ahaha I told you mahilig ako sa malaki lolz.

credit sa owner ng pic.. di ko na kuhaan ito ng pic eh ahaha


hindi pa ako kumakain muka na akong haggard ahahaha




Bago pa man namin puntahan ang Roberto's ay nadaan kami sa isang simbahan, ang simbahan ng San Agustin... Niyaya ko na pumasok ang mag asawa para naman makapag dasal at magpasalamat...







Sa loob mismo ng simbahan ay may mga puntod...

Sabi ng mga locals eh kapag luto na ang queen siopao ng Roberto's eh mahaba na ang pila ng mga suki nila. May 4 na size ang siopao nila Regular, Jumbo, King size at Queen Size. Naghintay pa kami ng 2 oras para lang matikaman ang siopao na ito ahaha. Walang sauce ang siopao na ito pero malasa pa rin sya. Mas recomended na kainin sya habang mainit pa at bagong luto kasi mas malalasahan mo ang mga sankap nya. Kung oobserbahan mo dain manipis ang tinapay nya. Kung bakit ay dahil ito sa dami ng mga sangkap nya sa loob na di tinipid. Akala ko nga ang Taipao na ng northpark ang malaking siopao ang makikilala ko dahil sa naging crew ako ng restaurant na ito way back 2003 pero wait hindi pala papahuli ang Roberto's Queen Siopao ahahaha.





Ito ang super laking siopao ng Roberto's

siksik sa laman kusa na ang nipis ng matao dahil puro sya fillings
tulad nga ng sinabi ng isa sa mga signage nila... lafang lafang nyahahaha
ito ang full menu ng Roberto's

After ng food trip na ito ay nagpahinga kami sa Dapli, isang class na turo turo sa Iloilo ahaha pahinga yan ha lolz. Ang mga pagkain na sine-serve sa Dapli ay common na nakikita sa turo-turo pero wait but wait sa restaurant na ito ay di tinipid sa sangkap ang mga pagkain at malasang malasa sya. kahit ang mga dessert nila. Puro mga best seller ang in-order namin doon, ang sister-in-law ko ay nilagang pata, si Diko naman ay beef with mushroom naman at ang sa akin ay sweet in sour fish. Sa totoo lang madaming mga kumakain sa resto na ito dahil sa halagang 90 pesos lang eh nakakain ka na ng marangal charot ahaha. If tight ang budget nyo at gusto nyo kumain sa isang kainan na mura pero di tinipid ang lasa I will recommend Dapli.

salamat sa owner ng pic mas malinaw ito kay sa sa kuha ko..
There you point and they will serve ganyan..

O napagod na ba kayo at nabusog sa post na ito? Sana nag-enjoy kayo kahit kwento lang ito hihihi. May mga restaurant pa ako na babalikan sa Iloilo hopefully eh makabalik ako ng Iloilo sa 2nd quarter ng 2014. Gusto mo po ba sumama? lolz Mukang dapat magpalit na ako ng theme ng blog dapat siguro maging travel and food blogger na ako. Charot!


Bago ko tuluyang tapusin ang napakahabang entry na ito ay nais ko po na pasalamatan si SIMON YEE na kasalukuyan po ay sinusubaybayan na ang pahinang itong na walang kabuhay buhay at walang kapaparakan kasama din ng dalawang follower na walang pangalan... lolz.

Sana po ay maenjoy ninyo ang kalokohan ko sa pahinang ito... mamats po!!!




Tandaan, sa panahon ng kalungkutan: Pa-check up ka sa adik para lumabas ang saltik... 
God Bless!

24 comments:

  1. IT'S. ABOUT. TIME! *hahaha* Sarap lang ng bakasyon ah. Natikman nyo ba yung kilalang halo-halo dun sa Sampaguita Gardens? Dun yun binebenta sa bar sa may pool nila. :)

    And nakakaiyak nga naman yung "wedding moment" ng kapatid mo. Na-imagine ko lang kung ano din ang mararamdaman ko kung sakaling magpakasal na ang mga nakababatang kapatid ko. Lalo na yung bunso. *sniff*

    Anyway, ang pinagsisisihan ko lang sa pagbasa nitong kwento mo ay ginutom ako. Sakto di pa ko kumakain. *sigh* Puro kasi pagkain. Next time na pumunta ka sa Kalibo, make sure matikman mo ang sikat ng lechong manok nila, ang Ramboy's. Promise, heaven ang lasa, ipupusta ko pa sarili ko. Lewls.

    Mahaba na to. Wala lang, tagal ko kasi inabangan tong kwento mo. *hahaha* Ciao!

    ReplyDelete
    Replies
    1. Hindi sarado pa kasi yung bar nila nung nakarating kami ng SG eh.

      Uu ganun pala talaga sya kapag kayo na yung nasa moment na yun..

      Nyahaha sige hopefully pag nakabalik ako ng Kalibo eh matisod ako papunta doon lolz.

      Delete
  2. Nainggit ako. Dahil diyan magbobora na rin ako. Haha

    ReplyDelete
    Replies
    1. nyahaha go sir OP. ngayon ay hindi na masyado mainit sa bora kaya perfect mag lakwatsa ahaha.

      Delete
  3. Wow ha! I feel like going to boracay myself na after seeing your shots. Besides the beach gusto ko mag food trip diyan sa Borcay hahaha :) Thanks for the acknowledging me at the end of your post :) :) :)

    ReplyDelete
    Replies
    1. Go lang din Simon, peak season na sa kanila ngayon kaya tumaas ang accomodation nila pero ok naman sya..

      Wala pong ano man yun. That is how I show my gratitude sa mga nagkamaling iclick ang follow button ng page ko hihihi.

      Delete
  4. inggit much! ang saya naman! i miss the beach na! :)
    pasalubong naman diyan? haha charot.

    touching ang kasal ni shufatid. :)

    ReplyDelete
    Replies
    1. ay naku alam mo ba na ang mga shells na dinampot ko sa tabing dagat para sana gumawa ng mga crafts pasalubong ay pinaiwan ng mga ground crew sa airport di daw pwede ihand carry yun kaya ayun naiwan sya...

      tenchu hehe..

      Delete
    2. pakisampal nga ang ground crew na yan. charot. haha

      Delete
    3. nyahaha gusto ko nga papektusan eh kaso wala ako uutusan lolz.

      Delete
  5. A very.memorable, touching and happy vacation. Kakatuwa mga pictures:)

    ReplyDelete
    Replies
    1. Thanks mommy Joy sana nagenjoy ka po sa post na ito :D

      Delete
  6. Alam mo namang na inspire ako ng Baguio trip mo so alam mo na kung saan ako pupunta next :) yung nga lang puro pagkain ang posting eh hindi ako mahilig kumain lalu na't ang lalaki niyan, ha,ha,ha. Ang haba lang naman ng post na ito but well documented. Love the back photo as well, tatlong mukha ng panahon o shall I say Tatlong Likod ng Panahon.

    ReplyDelete
    Replies
    1. Nyahaha uu nga basta if may tanong ka ask ka lang ehehe..

      ay naku tama ka dyan... the past the present and the future ahaha.

      Delete
  7. Siksik, liglig at umaapaw itong post mo! Kumpletos rekados! Naiinggit ako sa mga pinaggagawa mo! #ingetero lang hahaha. Yong mga pinagsasakyan mong mga rebulto! Gusto ko yong summoning teknik mo sa pagong! Haha nakakatuwa! Gagayahin ko yan pag naligaw ako dyan!

    At ang bora trip! Mas lalo akong naiinggit! Di pa ko nakakapunta sa bora eh! Ang ganda nga ng back shot nyong tatlo! Classic!

    At wow sa food trip! Kala ko pa naman diet ka hahaha! Ang laki ng burger!!

    Ang inngit ratings ko sa post na ito ay 101%! Sumobra ng 1% hahaha

    ReplyDelete
    Replies
    1. Go! nyahaha wala naman kasi na summon na kabayo yung usa naman eh parang animal symbol lang nga mga Nara kaya di pwede picture na summoning jutsu lolz.

      Go Kuya Mar punta ka rin ng Bora dami mong pwede maging subject sa photography doon promise. Hahaha yan din ang pinaka gusto kong kuha ko. Ibang ang dating for me..

      Yun nga kaya nga lalo ako lumusog eh huhuhu... Iwo-work out ko na lang ito.

      Nyahaha next year ittry ko naman ang Guimaras Island lolz.

      Delete
  8. sosyal.. bakasyon engrande pala yan eh.. kapag nakakarnig nakakabas ako ng tungkol sa kasal eh naiinggit talaga ako.. congratz sa kapatid mo kamo..

    Feels good to be here again :) Namiss ko magbasa ng mga kwela mong post :)

    ReplyDelete
    Replies
    1. tenchu daw po sabi ni Diko ehehe.

      nyahaha salamat din po sa pagbalik Ms. Leeh

      Delete
  9. Congrats to the newly weds!
    Sarap naman ng trip nyo...Bora!
    Enjoy talaga ah! Great captures!

    ReplyDelete
    Replies
    1. Walang ano man daw Tukayo..

      Salamat din at nagustuhan mo ang mga pics ehehehe.

      Delete
  10. Huwaw grabe, ang gaming ganaps pala sa Ilo-ilo trip nyo. Photo overload din itong post mo :D

    First, huge congrats kay Diko at wifey nya :) best wishes!

    Wafu mo sa barong, Rix ah XD

    And... ang saya din ng Bora trip nyo, saka ung sa Christmas Village, ang cute ng lugar.

    Saka ung batchoy, giant burger at siopao! ang sarap!!!

    Pasensya na mejo late lungs ng visit ehehe!

    ReplyDelete
    Replies
    1. Lol di nga bagay sa akin ang nakapormal nyahahaha..

      Masaya sa Xmas village feel na feel mo ang Xmas dun.

      Nyahaha uu nga late ka nga bakit ba? lolz.

      Delete
  11. Ugh kagutom. Gusto ko rin ng batchoy at burger. Hahaha sana makarating din ako ng bora. Ay!! Best wishes pala sa kapatid mo at wifey nya. =))

    ReplyDelete
    Replies
    1. Salamat sa pagbisita muli ehehehe.

      Sobrang nakakabusog ang mga yan promise yung tipong hindi mo kaya ubusin ng isang upo lang lolz.

      Delete

hansaveh mo?