Patalastas..

1:10 am (sok)

Alam mo ba itong patalastas na ito?

Kung alam mo ito ibig sabihin matanda ka na. Tyarls!

Sa totoo lang minsan nakakabanas ang mga patalastas sa telebisyon lalo na kapag maganda na ang mga eksena sa pinapanood mo, pero wala naman tayong magagawa dahil sa ang mga patalastas na ito ang bumubuhay sa mga anime, lifestyle channel, music channel, teleserye, balita, eTV, noon time show, variety show at iba pang palabas na pinapanood natin.

Isa sa mga minor subject ko ang advertising at masasabi kong aliw na aliw ako dito sa subject na ito. Nandyan na ang gumawa kami ng poster ng produkto na gusto namin iendorso. Halos mawalan ako ng hangin sa katawan katatawa sa ginawa ng loko loko kong kaklase dahil sa ang prokudtong inindorso nya ay isang condom na may tagline na "once you pop, you can't stop." Simple lang ang sa akin. Dahil sa kasagsagan ng pagkauso ng mga cellphone ang panahong iyon ay Globe ang inendorso ko na may tagline na "the power of communication". Yun nga lang wala na ata silang power ngayon ehehehe.

Sinubukan din namin na gumawa story board para sa isang commercial at nag-shoot ng sarili naming commecrial. Ang napili namin ay secret na deodorant. Umaaktivity kami sa commercial na ito. Dapat intense ang mga eksena na talagang jajabarin ka dapat para maipakita mo how the product work. Ang final grade ng group 1.75. Di na masama.

Ang patalastas na magmamarka sa isip ng tao ang pinaka-fulfilling na parte sa mga advertising agency sa malaki ang posibilidad na tangkilikin ito ng mga tao. At dahil na din sa subject na ito ay tinuruan kami na maging isang kritiko sa mga patalastas na nakikita namin sa telebisyon.

Para sa akin ito ang mga patalastas na nagmarka sa 32mb kong memory card:

- Sa totoo lang naaaliw ako sa jingle na ito dahil sa parang isang araw lang ginawa ang lyrics ng kanta at agad agad nilapatan ng musika ehehe. Kaya naman masasabi mo na very raw ang commercial na ito gayun pa man dahil sa iilan lang ang linya ng kantang ito ay madaling naipasa sa mga mga tao kung ano ang meron sa produktong Sunny Orange.

- Medyo malabo na ang video ng commercial na ito pero sino ba namang makakalimot dito eh bago magsimula ang mga pelikula sa sinehan noon ay papasadahan ng patalastas na ito ng amerikanong pinipilit magtagalog. Medyo nakakatawa ang commercial na ito dahil sa lumabas ang ang produkto ay parang gawang banyaga dahil sa ang mga mga kinuha nilang mga tauhan. Pero mukang nakatulong ang pananalita nila dahil sa nagmarka ang "lemowk, sigowredowng, teypowk"sa kanila at maaaring matandaan ng mga tao ang produkto pagka katol ang hinahanap nila.

- Ang bata pa ni Amalia Fuentes dito sa patalastas na ito natandaan mo ba ng pilitin nyang maging Cleopatra na peg? hihihi. Walang duda na maganda pa si Amalia at sikat noong panahong ito, Pero dahil sa sikat at maganda sya, dito pumapasok ang idea ng mga tao na ito ang tangkilikin dahil sa ikilala nila ang taong nang hihikayat sa kanila gumamit ng produkto kasabay pa ng pangako na maari nilang pantayan ang kagandahan ni Amalia.

- O di ba? bongga ang awitin ni Fred Panopio sa patalastas na ito, at di lang yun, bata pa ang meyembro ng APO dito... Bilmo ko nun, bilmoko nyan ha? Malakas talaga ang impluwensya ng jingle sa isang patalastas. Kapag ilalapit mo sa masa ang jingle ng produkto mo, ay mas lalaong napapansin ng mga tao. Tulad nito, isang posibleng pagkakataon na maranasan ng sino man ang pagkakaroon ng nobya na bilmo ko. At dahil noong mga panahon na ito ay "nobenta porsyento" talagang lalaki ang taya sa isang relasyon eh mukang  nakarelate ang mga lalaki dito, at dahil sa beer din ang produkto eh nadagdagan pa ang plus points ng patalastas na ito.

- Ang classic at pinagsimulan ng katagang Sabado night. Kilala nyo ba ang bida sa patalastas? ehehe. Dahil sa mga sikat ang mga tauhan ng produktong ito ay naimprint din sa masa na ito ang produktong tinatangkilik nila. Oo possible naman talaga iyon pero ang reyalidad na tinatangkilik man nila o hindi ang produkto basta sila ang nakita mong nagendorso di ba tatatak sa isip mo ito, idagdag mo pa ang konsepto na ito ay gimik night tuwing sabado na sinasabing sa mga ganitong araw ay araw dapat para ikaw ay mag-chill. Mag-chill kasama ng beer na iniinom nila.

- Ang mala videoke na patalastas ng coke noong 1993, di ba sinasabayan nyo rin yan? hihihi. Masaya at upbeat ang kantang ito idagdag mo pa na talagang sikat ang produkto. Pero ang mensahe nito na kahit ano pa ang meron sa paligid mo ay maaring maging masaya o mas masaya pa yan kapag lumalagok ka ng coca cola.

- Ang classic na commercial na ito na may groovy na jingle. O di ba? ganda ng beat nya? swabe.. Para sa akin ang tugtog ng jingle na ito ay parang nasa setting ng isang pub mga cowboy na nagiinuman na maaring bumagay sa produkto.

- Di lang pampamilya, pang pearly white teeth pa! ansaveh naman ng pamilyang ito sa comercial na ito. Ilang bese mo din ba kinanta ang "mother, father, brother, sister how do you brush your teeth?". Dahil sa pamilya naman ang target ng produktong ito ay ito naman ang ipinakita nila, kung gaano sila kasaya magsipilyo ng ipin. Masaya naman sila diba? yun nga lang banyaga ulit ang kinuha nilan tauhan. Bakit? dahil sa panahon yan eh nandoon pa rin ang konsepto na dahil gawang banyaga ang mga tauhan, tiyak na kakagatin ito dahil sa maganda ang kalidad.

- Nasabi mo bang Cindy's is the place to be ng nagutom ka minsan? hihihi. Napansin nyo ba na ang mga eksena sa patalastas na ito ay may mga gutom? dahil sa ito ang gustong ilagay sa isip ng Cindy's sa mga manonoon na kapag nagugutom ka, there no other place to be kundi ang Cindy's.

- Isa sa pinakapaborito kong patalastas dahil sa ipinakita nila ang normal na kaganapan sa isang pamilya. Sa pagkakaalam ko ang patalastas na ito ay nanalo ng parangal dahil sa pagpapakita ng moral value ng isang Pilipino (ang pagkakaalam ko po ha, di po ako sure kung tama yung award)

Ilan pa sa mga ito ang mga patalastas na tumatak at nag marka sa akin ay (kabilang ang mga linya nila habang ipinapalabas ang produckto):

- Technolux - Im gonna knock on your door, ring out your bell knock on you windows too...

- Mr. clean - dulot mo'y laba-dami, laba-banayad, lab-ango.

- Pepsodent - Lasa syang "bebelgum".

- Spartan - (naghaharutan sa dagat ng mapatid ang tsinelas, uupo si babae at sasabihin ang linyang) "wala kang tibay".

- Pioneer Elastoseal - Sing tibay ng bato, sintatag ng bloke ng semento.

- Rhea Rubbing alcohol - Di lang pampamilya, pang sports pa.

- Filnstones na vitamins - Why are you wearing mommys dress? Because...

- Jollibee Sundae - Nung unang pinromote ng Jolibbe ang sundae nila ay may kanta itong "Only you, have the power to move me".

- Bearbrand - Isang lumang party na may kantang, " I remember yeaterday, the world was so young" at magsasabi ang lolo na "ako yan look at the mole".

- Alphine - ang sikat na "instant alphine, full cream powder milk, yodele heho"

- Palmolive Shampoo - Ang pinasikat ni Alice Dixon na linyang "I can feel it".

.... ang haba na neto, madami pa sana kaso lang, magba-blog hop ka pa kaya, next time naman ehehehehe....

Bago ko tapusin ang entry na ito ay magpapasalamat ako sa youtube para sa mga video na inupload ng mga masisipag mag-archived ng mga video commercials at..... Magpapasalamat din ako sa mga bagong tambay sa asylum ko... Maraming Salamat Jay Rulez at Fiel-Kun, sana ay maenjoy nyo rin ang pahina ko..

- God Bless po -