Kare-kareng entry!

1:33pm (sok)

Bakit nga ba kare-kare ang pangalan ng entry na ito? wala lang trip ko eh (tinamaan nanaman ako ng sapak hihihi). Dahil halo-halo ang entry na ito kaya naisip kong parang kare-kare lang, may halong gulay, halong karne, may mani at may bagoong...


*** PASALUBONG ***

Iba ang naging saltik ng girlfriend ni Diko, nakiusap sya kay Paping na ipadala sa Iloilo ang photo album ni Diko para ipakita sa parents nya. Tutal ang GF naman nya ang nag ayos ng photo album na iyon eh pinadala na lang namin sa kanya via LBC ang hari ng padala (sino kaya ang reyna nya? tyarose!).

Matapos ang 5 araw may kumatok sa pinto, akala ko na mamasko sabihan ko sana ng patawad dahil nagsesebo pa ako sa pawis dahil nage-general cleaning ako ng ward ko este ng bahay pala...Nagulat ako dahil isang taga-LBC ang nasa labas ng gate at may hawak na kahon. Akala ko ay return package ito pero nagtataka ako kung bakit medyo malaki ang box.

Nalaman ko na binalik na pala ng future sister-in-law ko yung photo album ni Diko at may kasama pang... tendenenen..............

(masarap na goodies from Iloilo)

Sayang naman, wala ang isa sa pinakapaborito ko ang butterscotch. Pero ok na rin yun, dapat ay magpasalamat pa rin kesa wala.

*** SOPRESANG KAHON ***

kahapon ay may dumating din na package. Uso na nga talaga ang padalahan ng package. Akala ko nga eh para sa akin iyon. Iniisip ko na ito na ata yung padala ni Arvin Erick pero sobrang laki ata nga para sa postcard. Yun pala para kay Diko ito.

(ang kahon para kay Diko)

Dagdag pala ito sa mga koleksyon nyang Gundam Model kit, at di lang isa, di lang dalawa kun di tatlo sya...

(ito ang mga dagdag sa koleksyen ni Diko)

*** PAGDALAW ***

Napagpasyaan namin ni Paping at ni Bunso na bago pa sumapit ang pasko ay pupuntahan namin si Mama sa condo nya.

(Dilaw yung bulaklak na nabili namin, di ko alam kung kanino galing yung kalachuchi na pink pero di nanamin tinanggal baka magtampo si Mama, at as always 7 candles)

(Trip lang namin ni Bunso mag-picture taker para may remember, bagong tabas ako hihihi)

(kamera shy si paping ngayon)

Bukas ay may pasok na ako, tinatamad pa ako pumasok kaso kailangan kumita para sa mga inaanak ko huhuhu. Henny waste medyo eksayted din ako dahil sa may spaghetti party akong pupuntahan mamaya hihihi.

At gaya ng tradisyon sa asylum ko, eh magpapasalamat muna ako bago ko tapusin ang entry na ito dahil sa may bago nanaman po akong pasyente.

Samamat po kay Anne at Senyor Iskwater sa pagtambay sa asylum ko. Kung di na po kasya sa ward eh ililipat ko na lang po kayo, tiyaruths lang hihihi. Enjoy enjoy po..

God bless po sa lahat at isang mainit na hapon...

- It's my opinion lamang po -